türkiye - girétsiye izdinish söhbetlirining 61 - nöwetliki istanbulda ötküzülidu

türkiye awazi radiyosi xewiri: türkiye jumhuriyiti tashqi ishlar ministirliqi: «izdinish söhbetlirining 61 – nöwetlikining 2021 – yili 25 – yanwarda istanbulda ötküzülidighanliqi»ni uqturdi.

türkiye bilen girétsiye izdinish söhbetlirini ege mesilisige her ikki terep qobul qilalaydighan shekilde «adil, uzaq muddetlik we sighdurushchan» chare tépishqa sharait hazirlash meqsitide 2002 – yili 12 – martta paytext enqerede bashlighanidi.

ikki dölet muawin tashqi ishlar ministirliri söhbetlirining axirqisi bolghan 60 – aylanma söhbet 2016 – yili 1 – martta girétsiyening paytexti aténa shehiride ötküzülgenidi. öz waqtining girétsiye hökümiti teripidin toxtitip qoyulghan söhbetler siyasiy kéngeshler sheklide dawamlashqan bolsimu, izdinish ramkisigha qaytalmighanidi.

dölitimiz (türkiye jumhuriyiti) tashqi ishlar ministiri mewlüt chawushoghlu tünügün paytext enqerede bayanat bérip: «girétsiyeni izdinish söhbetlirining birinchi qétimliqini yanwar éyi ichide ötküzüshke chaqirimiz» dégenidi.

girétsiye bash ministiri kiriyakos michotakis bolsa: «türkiye bilen ötküzülidighan izdinish söhbetlirining waqti mueyyenleshtürülse, uchrishishlargha ishtirak qilidighanliqliqliri»ni bildürgenidi.