2021 - yilining tunji qétimliq ichki kabinét yighini bügün chaqirilidu

jumhur reislik mehkimisi ichki kabinéti 2021 – yilining tunji qétimliq yighinini bügün chaqiridu.

1561029
2021 - yilining tunji qétimliq ichki kabinét yighini bügün chaqirilidu

türkiye awazi radiyosi xewiri: jumhur reislik mehkimisi ichki kabinét yighinida kowid – 19 gha qarshi küresh témisi astida hazirghiche yolgha qoyulghan chare – tedbirlerge munasiwetlik sanliq melumatlar analiz qilinidu. yéngi chare – tedbirlerning yolgha qoyulup yaki qoyulmaydighanliqi muhakime qilinidu.

iqtisadtiki özgirishler, térrorizmgha zerbe bérish heriketlirining nöwettiki ehwali we rayongha alaqidar özgirishlermu ichki kabinét yighinida muzakire qilinidighan mesililer qataridin orun alidu.

tashqi siyasette bolsa, gherb bilen bolghan munasiwetlerning nöwettiki ehwali muhakime qilinidu. yanwar éyining axirida échilishi pilanliniwatqan türkiye – yawropa ittipaqi bashliqlar yighinining teyyarliq xizmetlirige qarap chiqilidu.

yighinda yene, amérika qoshma ishtatlirida wezipe öteshni bashlaydighan yéngi rehberlik apparati bilen bolidighan munasiwetler muzakire qilinidu.



مۇناسىۋەتلىك خەۋەرلەر