2021 - йилиниң тунҗи қетимлиқ ички кабинет йиғини бүгүн чақирилиду

түркийә авази радийоси хәвири: җумһур рәислик мәһкимиси ички кабинет йиғинида ковид – 19 ға қарши күрәш темиси астида һазирғичә йолға қойулған чарә – тәдбирләргә мунасивәтлик санлиқ мәлуматлар анализ қилиниду. йеңи чарә – тәдбирләрниң йолға қойулуп йаки қойулмайдиғанлиқи муһакимә қилиниду.

иқтисадтики өзгиришләр, терроризмға зәрбә бериш һәрикәтлириниң нөвәттики әһвали вә районға алақидар өзгиришләрму ички кабинет йиғинида музакирә қилинидиған мәсилиләр қатаридин орун алиду.

ташқи сийасәттә болса, ғәрб билән болған мунасивәтләрниң нөвәттики әһвали муһакимә қилиниду. йанвар ейиниң ахирида ечилиши пиланлиниватқан түркийә – йавропа иттипақи башлиқлар йиғининиң тәййарлиқ хизмәтлиригә қарап чиқилиду.

йиғинда йәнә, америка қошма иштатлирида вәзипә өтәшни башлайдиған йеңи рәһбәрлик аппарати билән болидиған мунасивәтләр музакирә қилиниду.