2021 – yili dölet mudapie sanaiti saheside zor ilgirileshler ishqa ashidu
jumhur reislik dölet mudapie sanaiti idarisi bashliqi proféssor doktor ismail démir dölet mudapie sanaiti sahesidiki ilgirileshler heqqidemelumat berdi.
türkiye awazi radiyosi xewiri: 2021 – yili akinchi hujumchi uchquchisiz ayropilan (TİHA) ning tunji tapshurulishi ishqa ashurilidu. aqsungur qoralliq uchquchisiz ayropilani (SİHA) ning yürüshlük ishlepchiqirishi dawamlishidu. hujumchi tik uchar ayropilani atakning 2 - basquchluq tunji tapshurulishi bashlinidu.
jumhur reislik dölet mudapie sanaiti idarisi bashliqi proféssor doktor ismail démir «2020 - yilliq bahalash we 2021 - yilliq nishanlar yighini» da söz qildi.
ismail démir türkiyening döletlik mudapie sanaiti türliri üstide toxtilip, «2021 - yili tunji qétim akinchi TİHA tapshurulidu, aqsüngur SHA ning yürüshlük ishlepchiqirishi dawamlishidu, hujumchi tik uchar atakning 2-basquchluq tunji mal tapshurishimu bashlinidu» dédi.
2021 - yili (töwen hawa boshluqi bashqurulidighan bomba hawa mudapie sistémisi) <hisar- A + > ning qoral türige kirgüzilishi dawamlishidighanliqini tekitligen ismail démir, «(ottura égizliktiki bashqurulidighan bomba hawa mudapie sistémisi) <Hisar-O +> ning sinaqliri tamamlinidu we sistéma qoral türige kirgüzüshke teyyar halgha kélidu» dédi.
