әрдоған: муқәддәс вәтинимизни җан тикип қоғдашни давамлаштуримиз

түркийә авази радийоси хәвири: әрдоған, «биринчи иинөнү зәпириниң 100 – йиллиқи» мунасивити билән елан қилған байанатида, «мустәқиллиқ күришиниң мунтизим армийәниң ғәрбий алдинқи сепидә гиретсийә армийәсигә қарши киргән тунҗи җеңи болған «биринчи инөнү уруши» да қолға кәлтүргән зәпириниң, тарихтики парлақ мувәппәқийәт өрнәклиридин бири икәнликини әскәртиш билән бир вақитта, «биринчи иинөнү зәпири» ниң «азадлиқ уруши» ниң шанлиқ ғәлибә билән нәтиҗилинишиниңму хуш хәвәрчиси икәнликини тәкитләп мундақ деди: «ғази мустапа камалниң <йеңи түркийә дөлитиниң кичик, әмма миллий пиринсиплиқ армийәси, әң мушәққәтлик шараитта өзидин 3 һәссә күчлүк дүшмән армийәсини инөнү мәйдан урушида йәңди> тәриқисидики сөзлири билән тонуштурған  зәпәр, хәлқимизниң егилмәс - сунмас қәтий ирадиси вә күрәш җәңгиварлиқини күчәйтти. әзиз хәлқимизниң имкансизлиқлар ичидиму мустәқиллиқ йолида җан пида қилиш бәдилигә елип барған күриши нәтиҗисидә қолға кәлтүрүлгән шанлиқ зәпәрлиримиз келәчикимиз үчүн илһам мәнбәси болушни үзлүксиз давамлаштуриду. бизму һәрдаим вә қандақ болушидин  қәтийнәзәр, муқәддәс вәтән вә шанлиқ байрақни садақәт билән җан тикип қоғдашни изчил давамлаштуримиз. бу мунасивәт билән, ғази мустапа камални өз ичигә алған <мустәқиллиқ күриши> ниң барлиқ қәһриманлирини чәксиз һөрмәт вә иптихалиниш туйғуси ичидә йәнә бир қетим йад етимән.»