erdoghan heririni qobul qildi
jumhur reis rejep tayyip erdoghan liwanda hökümet qurushqa mesul qilinghan sed heririni qobul qildi.
türkiye awazi radiyosi xewiri: jumhur reislik sariyi uchur – alaqe ishliri idarisining bildürüshiche, jumhur reis erdoghan, heriri bilen istanbuldiki «wahdettin sariyi» da körüshken. uchrishishta, siyasiy, iqtisadiy, soda we medeniyet saheliride türkiye – liwan munasiwetlirini tereqqiy qildurushqa tégishlik muhim nuqtilar muzakire qilinghan, rayonluq mesililerde hemkarlishish heqqide özara pikir almashturulghan.
jumhur reis erdoghan, tarixi nahayiti uzungha sozulidighan ikki terep munasiwetlirini her sahede chongqurlashturush we kücheytish iradilirining qetiylikini eskertish bilen bir waqitta, liwanning siyasiy muqimliqining liwanliqlardin sirt yene, rayonning tinchliqi we huzuri üchünmu nahayiti zor ehmiyetke ige ikenlikini, türkiyening dost we qérindash dölet liwan xelqining birlik we barawerlikini ishqa ashurush yolida bu döletke yardem bérishni izchil dawamlashturidighanliqini tekitligen.
heririmu, türkiyening liwanni qollishi we sélinmiliri munasiwiti bilen jumhur reis erdoghangha rehmet éytqan.
