erdoghan: milliy alem qatnishi pilanimizni yéqinda élan qilimiz

türkiye awazi radiyosi xewiri:  erdoghan,  süniy hemrah téxnologiye heptiliki mexsus yighinigha istanbuldiki  wahdettin sariyidin neq meydan biwasite ulinip, qatnashti hemde bu yerde qilghan sözide, amérika qoshma ishtatliridin alem boshluqigha qoyup bérilgen «türksat 5A süniy hemrahi» sepirining muweppeqiyetlik bolushi, belgilengen waqitta wezipe öteshke bashlishini ümid qilidighanliqini tekitlep mundaq dédi: «türksat 5A süniy hemrahi bilen birlikte türkiyening alem boshluqidiki süniy hemrahlirining sanini 7 ge yetküzgen bolduq. alem boshluqidiki süniy hemrahlirimizdin 3 i xewerlishish, 3 i közitish meqsitide paaliyet élip barmaqta. türkiye alem boshluqida orbétida hoquqige ige 30 dölettin biri. sherqiy orbétisidiki alem boshluqidiki heq – hoquqlirimizni uda 30 yil kapalet astigha alimiz.»

türkiyege nisbeten nahayiti zor ehmiyetke ige bolghan «türksat 5A süniy hemrahi» layiheside, ishlepchiqirilishida, alem boshluqigha qoyup bérilishide xizmet körsetkenlerge rehmet éytqan erdoghan, mundaq dep körsetti: «< türksat 5B süniy hemrahi> din  yéngi bir sewiyege ötüshni pilanlawatimiz. nishanimiz, < türksat 6A süniy hemrahi > nimu alem boshluqidiki orbétisigha orunlashturushtur.»

aldimizdiki yil « İMECE» namliq milliy layihege we ishlepchiqirish alahidilikige ige yuqiri éniqliqtiki közitish süniy hemrahinimu alem boshluqigha qoyup béridighanliqliri toghruluq xush xewer yetküzgen jumhur reis erdoghan, 2021-2030-yilliq milliy alem qatnishi pilaninimu  pat yéqinda élan qilidighanliqlirini, mikro süniy hemrah muessesesi berpa qilish paaliyetlirini dawamlashturuwatqanliqlirini tekitlep mundaq dédi: «bolupmu yashlirimizning bu heqtiki hayajanlirini xursenlik bilen közitiwatimiz. keng dairilik ishlitish sahesige ige alem qatnishi we süniy hemrah téxnologiyeliri saheside dölitimizni markigha aylandurush iradimiz qetiydur. barghanséri mustehkemlewatqan ul eslige qurulmimizni özimiz bilen birlikte barliq dostlirimiz we qérindashlirimizningmu imkaniyitige sunuwatimiz, hemde ularningmu buningdin behrimen bolushini ishqa ashuruwatimiz. alem boshluqidiki mewjudiyitimizni, qabiliyetlirimizni yenimu yüksek sewiyege yetküzüsh gheyretlirimizni üzlüksiz dawamlashturuwatimiz.»