dunya sehiye teshkilati türkiyege teshekkür éytti

türkiye awazi radiyosi xewiri: dunya sehiye teshkilati yazma bayanat élan qilip, türkiye sehiye ministiri fahrettin koja bilen dunya sehiye teshkilatining yawropa diréktori hans klugning widéo yighinida körüshkenlikini élan qildi.

körüshüshte, yawropadiki wuxen wirusi(Kovid-19)  gha munasiwetlik weqelerning köpiyishi, türining özgirishi, türkiyediki ehwali we waksina yasash xizmetlirining muzakire qilinghanliqi qeyt qilindi.

dunya sehiye teshkilatining yawropa diréktori hans klug türkiyening wirusqa qarshi turushta teshkilatning tewsiyelirige emel qilghanliqi üchün teshekkür éytti.

u: «barliq döletler türkiye jumhur reisi rejep tayyip erdoghanning paaliyetlirini we rehberlikini maxtaydu. küchlük sanliq melumat we uchur yighish sistémanglar sewebidin silerni tebrikleymen. yene türkiyede qiliniwatqan waksina tetqiqatliri, téz diyagnoz qoyush üskünliri tetqiqati we wirusning gén tizilishini tetqiq qilish dairisini kéngeytkenlikingilar üchünmu tebrikleymen» dédi.