erdoghan édi rama bilen qoshma muxbirlarni kütüwélish yighini ötküzdi

türkiye awazi radiyosi xewiri: jumhur reis erdoghan paytext enqerede ziyarette boluwatqan albaniye bash ministiri édi rama bilen ayrim we heyetler ara uchrishishtin kéyin qoshma muxbirlarni kütüwélish yighini ötküzdi.

erdoghan, türkiyening albaniyening ul eslihe we sayahet sahesige meblegh sélishni ashurushni, hemde bu dölet bilen bolghan iqtisadiy hemkarliqni yéngi bir baldaqqa kötürüshni pilanlawatqanliqini bildürdi .

erdoghan, türkiyening qollishi bilen albaniyede bir doxturxana sélinidighanliqigha isharet qilip: «albaniyediki maarip wexpi ötküzüwalghan uniwérsitét bilen u yerde bir  istanbul pen – téxnika uniwérsitétigha oxshash uniwérsitétning qurulghan bolidighanliqi»ni éytti.

albaniye bash ministiri édi rama jumhur reis erdoghan bilen ötküzgen uchrishishida, ikki dölet munasiwitide yéngi sehipe échish iradisining küchlük ipadilirini körgenlikini qeyt qildi.

rama yene albaniyede (aldinqi we ötken yili yüz bergen) yer tewreshte yardimini ayimay, dölitige yar – yölek bolghan türk xelqige rehmet éytti.