kosowudiki weqede yarilanghanlar türkiyege élip kélindi
kosowuning férizowik shehiridiki bir réstoranda 5-yanwar (2021) yüz bergen gaz partlashta éghir yarilanghan töt kishidin ikki nepiri dawalash üchün türkiyege élip kélindi.
türkiye awazi radiyosi xewiri: türkiye jumhur reisi rejep tayyip erdoghanning yolyoruqi bilen, kosowuning férizowik shehiridiki bir réstoranda yüz bergen gaz partlash weqeside yarilanghan töt kishini türkiyede dawalash üchün kosowugha mexsus ayropilan ewetildi we enqere waqti 08:50 ötkende ikki yaridarni élip istanbulgha élip kélindi.
kosowugha ewetilgen ayropilanning yene ikki yaridarni élip kélish üchün yolgha chiqidighanliqi bildürüldi. yaridarlar baghjilar telim-terbiye we tetqiqat doxturxanisi bilen kartal doktor lutfi kirdar sheher doxturxanisida dawalinidu.
5-yanwar férizowik shehiridiki bir réstoranda gaz partlap 40 tin artuq kishi yarilanghan bolup, ehwali éghir bolghan 14 kishi prishtinediki kosowu uniwérstéti doxturxanisigha yatquzulghan idi.
