«قانۇنى» ناملىق بۇرغىلاش پاراخوتىنىڭ مۇنار قۇراشتۇرۇش خىزمىتى باشلاندى

تۈركىيە ئاۋازى رادىيوسى خەۋىرى: مۇنار قۇراشتۇرۇش خىزمىتىنىڭ ئالدىمىزدىكى كۈنلەردە تاماملىنىشىدىن كېيىن، «قانۇنى» ناملىق بۇرغىلاش پاراخوتى، 2021 – يىلىنىڭ دەسلەپكى ئايلىرىدا، ساكاريا تەبىئىي گاز ساھەسىدە ۋەزىپە ئۆتەشكە باشلايدۇ.

تۈركىيە نېفىت شىركىتىنڭ خىزمىتىگە سۇنۇلغان، تۈركىيەنىڭ ئۈچىنچى بۇرغىلاش پاراخوتى ھېسابلىنىدىغان، ئۇزۇنلۇقى 227 مېتىر، كەڭلىكى 42 مېتىر كېلىدىغان « قانۇنى» ناملىق بۇرغىلاش پاراخوتى، 11 مىڭ 400 مېتىرلىق چوڭقۇرلۇقتا بۇرغىلاش ئېلىپ بېرىش ئىقتىدارىغا ئىگە.