әрдоған вийеннада йүз бәргән қанлиқ һуҗумни әйиблиди

түркийә авази радийоси хәвири: җумһур рәис әрдоған кабинет йиғинидин кейин байанат елан қилди.

әрдоған вийеннадики қанлиқ һуҗумни чин қәлбидин әйиблигәнликини тилға елип: «һуҗумни садир қилғучи мәйли ким болишидин қәтий нәзәр, бу хил һуҗумларға <бопту> дейиш мумкин әмәс. мән австрийә хәлқидин һал сораймән вә тәзийә теләклиримни йоллаймән» деди.

әрдоған: «йавропадики бир қисим дөләтләр исламни өзлиричә қайтидин изаһлашқа вә шәкилләндүрүшкә урунидиған дәриҗидә чәктин ашмақта» дегәнниму әскәртип, һазир дунйада 2 милйард 400 милйон хиристийан, 1 милйард 900 миң мусулман вә 1 милйард 800 миң һинди, буддист вә шинто етиқадиға мәнсуп инсанларниң йашайдиғанлиқини ейтти.

70 йил илгирикигә селиштурғанда исламға йүзлиништә ғайәт зор ешиш болғанлиқини билдүргән әрдоған, илгири мусулман йоқ дейәрлик йавропадики бир қисим дөләтләр нопусида, мусулманларниң нисбитиниң %10 кә йәткәнликини ейтти.

әрдоған шуниңдәк африқадин шәрқий җәнубий асийағичә, америкадин австиралийәгичә болған кәң җуғрапийәдә ислам дининиң тарқилишиниң алдини тосуш мумкин болмайдиғанлиқини әскәтти.

әрдоған бу әһвалларниң мусулманлар һәммила саһәдә изиливатқан, харлиниватқан, арқида қалдурулған, екиспилататсийә қилиниватқан вә ички тоқунушлар билән енергийәлири исрап қилиниватқан бир мәзгилдә йүз бериватқанлиқини тәкитлиди.