әрдоған айасофйа һәққидики әйибләшләргә җаваб қайтурди

түркийә авази радийоси хәвири: җумһур рәис рәҗәп таййип әрдоған истанбулда «ләвәнт җамәси» гә ул қойуш мурасимиға қатнашти вә муһим сөз қилди.

у: «биз башқа дөләтләрниң пуқралириға хизмәт беридиған ибадәтханилириға арилашмидуқ. башқиларниңму бизниң ибадәтханилиримизға арилишидиған һечқандақ һоқуқи вә салаһийити йоқ. дөлитимизгә қаритилған әйибләшләр игилик һоқуқимизға қилинған һуҗум мәнисигә игә» деди.

у түркийәдики көп санлиқни игиләйдиған етиқад гурупписи болған мусулманлардин башқа, охшимиған динларға етиқад қилидиған кишиләрниңму һәқ-һоқуқини қоғдайдиғанлиқлирини тәкитләп: «милйонларчә киши диний етиқади сәвәблик һайатиға хәвп йетишини өз ичигә алған һәр түрлүк бесимға дучар болуватиду. әслидә, қарап чиқилиши, назарәт қилиниши вә тәдбир елиниши керәк болған иш бу» деди.