түркийә ширкәтлири 2022-йилиғичә «F-35» запчаслирини ишләпчиқириду
америка дөләт мудапиә министирлиқи (пентагон, бәш бурҗәклик бина) «F-35» айропиланлириниң бәзи запчаслири үчүн 2022-йилиғичә түркийә ширкәтлири билән давамлиқ һәмкарлишидиғанлиқини елан қилди.
түркийә авази радийоси хәвири: америка дөләт мудапиә министирлиқниң байанатчилиридин җесика максвел (Jessica Maxwell) түркийә ширкәтлири «F-35» ләр үчүн ишләпчиқиридиған 139 запчасни 2022-йили бойичә давамлиқ ишләпчиқиридиғанлиқини билдүрди.
җесика максвел: «санаәт шериклиримиз вақти тошмиған тохтам бойичә һәрикәт қилиду. F-35 пирограммиси бу нуқтида, чиқими еғир, тәртипни бузидиған вә тохтамларни әмәлдин қалдуридиған керәксиз ишлардин йирақ турушқа тиришти» деди.
түркийә русийәдин «S-400» һава мудапиә қалқан системилирини тапшурувалғандин кейин, америка өткән йили (2019) ийул ейида түркийәниң «F-35» пирограммисиға болған шерикликини тохтитип қойған иди.
бирақ, америка түркийә ширкәтлириниң бәзи запчасларни йасиши үчүн оттуридики тохтамларни бикар қилмиған вә йеңи тәминлигүчиләрни тапқичә бу йил (2020) ахириғичә түркийә ширкәтлириниң запчасларни давамлиқ тәминлишигә рухсәт қилған иди.
вухән вируси (Kovid-19) сәвәбидин «F-35» запчаслирини ишләпчиқиришта еғир мәсилиләр көрүлгән иди. түркийә ширкәтлири «F-35» ләр үчүн миңдин артуқ запчас ишләпчиқириду.
