һаккарида бир әскәр иран тәрипидин еитлған оқ тегип шеһит болди

түркийә авази радийоси хәвири: түркийә җумһурийити дөләт мудапиә министирлиқи йазма байанат елан қилип, һаккариниң йүксәкова чегра районида елип берилған чарлаш вә көзитиш хизмәтлири җәрйанида иран тәрипидин оқ чиқирилғанлиқини, вәқәдә 2 әскәрниң йариланғанлиқи, бир әскәрниң дохторханида давалаш үнүм бәрмәй шеһит болуп кәткәнликини уқтурди.

байанатта, «бизни чоңқур азаб вә қайғуға салған бу вәқәдә җенидин айрилған әзиз шеһитимизға аллаһтин рәһмәт тиләймиз, мусибәтлик аилиси, түркийә армийәси вә алийҗанаб хәлқимизгә тәзийә билдүримиз вә сәвр тиләймиз, йаридар әскиримизгә тез шипалиқлар тиләймиз» дегән ибариләргә орун берилди.