октай: дунйа сәһийә тәшкилатиниң қурулмисида ислаһат елип берилиши керәк

түркийә авази радийоси хәвири: октай, атлантик кеңиши билән түркийә мирас фонди тәрипидин бирликтә уйуштурулған  телевизийә - телефон йиғинида, түркийәниң «вухән вируси» ға қарши күрәштә қолға кәлтүргән мувәппәқийәтлирини тонуштуруп мундақ деди: «бу җәрйанда пүткүл дунйа синақтин өтәлмиди, әмма түркийә мислисиз мувәппәқийәтләрни қолға кәлтүрди. дунйа сәһийә тәшкилатиниң қурулмисида ислаһат елип берилип, мәркәзниң күчи вә бийурократийәгә тайинивелиштин һалқитип, техиму җанлиқ вә техиму очуқ – йоруқлуқ билән һәрикәт қилидиған шәкилдә шәкилләндүрүш керәк. шуни алаһидә тәкитләп өтимәнки, <вухән вируси> ға қарши күрәш басқучида йәр шарилишиш асасий җәһәттин тоңлитип қойулди, һәмдә һәрқайси дөләтләр өзлириниң һали биләнла болуп кәтти. мана мушундақ һалқилиқ бир пәйттә, түркийә билән америка қошма иштатлири оттурисидики һәмкарлиқ еңи күчәйди, буниңға әгишип, йеңи пурсәтләр оттуриға чиқти.»