кападокйадики иссиқ газ шари фестивали
йәрлик вә чәт әллик сайаһәтчиләр арисида зор қизиқиш қозғиған бу фестивалда, қисқучпақа, сачқан, һәрә, робот, кала қатарлиқ һәрхил һайван шәкиллик иссиқ газ шарлири арқиму - арқидин көккә көтүрүлди.
түркийә авази радийоси хәвири: түркийәниң әң муһим сайаһәт мәркәзлиридин бирси болған кападокйада өткүзүливатқан «кападокйа иссиқ газ шари фестивали» да, рәңгарәң иссиқ газ шарлири пәрибаҗилар вә тәбийий қийалиқлар арисида учти.
невшәһир үргүп шәһәрлик һөкүмитиниң саһибханлиқидики фестивалниң иккинчи күнидә, пәрибаҗилар (қийаға өйолған өйләр) әң зич болған пашабағи дегән йәргә елип берилғлан газ шарлири аҗайип гүзәл мәнзирә йаратти.
йәрлик вә чәт әллик сайаһәтчиләр арисида зор қизиқиш қозғиған бу фестивалда, қисқучпақа, сачқан, һәрә, робот, кала қатарлиқ һәрхил һайваншәкиллик иссиқ газ шарлири арқиму - арқидин көккә көтүрүлди.
иссиқ газ шарлири тәхиминән 45 минутқичә кападокйа асминида учқандин кейин гөрүмә әтрапиға қонди.
фестивалға қатнашқан белгийәлик газ шари учқучиси гирет ван волвелейер, райондики мәлум бир ширкәттә ишләйдиғанлиқини вә фестивал мунасивити билән иссиқ газ шарини елип келип паалийәткә қатнашқанлиқини билдүрди.
фестивалниң кападокйаниң мәнзирисигә һөсүн қошқанлиқини билдүргән белгийәлик газ шари учқучиси гирет ван волвелейер, келәр йили йәнә охшаш паалийәтләрниң өткүзлишиниң сайаһәт саһәсигә нисбәтән толиму пайдилиқ болидиғанлиқиға ишинидиғанлиқини ейтти.
ван волвелейер: «мениң күлүп турған бир қисқучпақа шәкиллик иссиқ газ шарим бар. болупму кичик балиларни бәкрәк өзигә җәлп қилиду. бу йәрдә демисиму һәр күни 150 иссиқ газ шари учурулидикән, йәни, һәр күни фестивал баркән. бу паалийәт сайисида сайаһәтчиләр ғәлитә ғәлитә, һәр хил газ шариға минәләйдикән. сайаһәтчиләрму буниңға интайин қизиқмақта» деди.
һәр қайси дөләтләрдин кәлгән хилму хил шәкиллик иссиқ газ шарлириниң қатнишиши билән өткүзүлидиған бу фествал, үргүп наһийәсидә консерт нумурлири вә газ шарини рәңгарәң нурландуруш нумурлири билән давамлашти.
