қәйсәри билән сиваста қанунсиз көчмәнләр тутулди
қәйсәридә чеградин қанунсиз йоллар билән өткәнлики ениқланған 152 қанунсиз көчмән тутулди.
түркийә авази радийоси хәвири: малатйа йолиға өтүш еғизидики тәкшүрүш понкитиниң хәвпсизлик хадимлири бир мунбустики 20 көчмәнни қолға чүшүрди. йеқинқи икки күндә, ван вилайитидин келип ғәрбтики вилайәтләргә маңған йолучи аптобуслирини тәкшүрүш давамида қанунсиз 132 көчмән тутулди. афғанистан, пакистан вә баңладиштин кәлгән 152 көчмән, мунасивәтлик қануний рәсмийәтлири беҗирилгәндин кейин, чеградин қоғлап чиқириш үчүн қайтуруш мәркизигә тапшуруп берилди.
сивастиму қанунсиз йоллар билән чәт әлләргә чиқип кәтмәкчи болған 11 көчмән тутулди. сивас-әрзинҗан ташйолидики тәкшүрүш понкитида гуманлиқ бир йүк аптомобилини тохтатқан сақчи хадимлири, кимлик вә рухсити йоқ пакистанлиқ алтә кишини қолға чүшүрди.
сақчи хадимлири йәнә, тәкшүрүш нуқтисидин пийадә өтмәкчи болған афғанистанлиқ бәш кишини қолға чүшүрди.
көчмәнләр мунасивәтлик қануний рәсмийәтлиридин кейин, вилайәтлик көч идарисиға тапшуруп берилди.
