асасий қанунни өзгәртиш тәкилипиниң 2 – басқучи тамамлиниш алдида туруватиду
түркийә бүйүк милләт мәҗлиси омумий кеңишида түнүгүн асасий қанунни өзгәртиш тәклипиниң 4 маддиси қобул қилинди.
түркийә авази радийоси хәвири: 8 – мадда 339, 9 – мадда 341, 10 – мадда 340, 11 – мадда 342 аваз билән қобул қилинди.
8 – маддида җумһур рәис «дөләт вә һөкүмәт рәһбири» дәп атилиду һәмдә җумһур рәискә һөкүмәткә мунасивәтлик қарарнамә чиқириш, җумһур рәис йардәмчилири билән министирларни вәзипигә тәйинләш вә вәзипидин елип ташлаш һоқуқи бериду.
9 – мадда җумһур рәисниң мәсулийәт даирисигә киридиған ишларни мәзмун қилидиған болуп, җумһур рәис үстидин җинайәт садир қилиш билән әйибләп сотқа әрз сунулушини мәзмун қилиду. буниң үчүн парламенттики көп санлиқниң авази билән тәклип бериш йетәрлик болиду.
сот мәһкимисигә йоллаш үчүн болса тәклипни 400 парламент әзасиниң қоллап аваз беришигә тоғра келиду.
10 – мадда җумһур рәис йардәмчилири вә вәкиллик қилиниш һоқуқлири билән мунасивәтлик болуп, җумһур рәислик орни һәрқандақ бир сәвәб билән бош қалған тәқдирдә, орниға йардәмчиси вәкалитән вәзипә өтәйду.
сайламларниң йеңилиниши билән мунасивәтлик болған 11 – мадда өзара бикар қилиш бәлгилимисини өз ичигә алиду.
бу маддиға асасән тәклип 360 авазға еришкән тәқдирдә, парламент вә җумһур рәислик сайламлириниң йеңилинишиға қарар берилиду.
