рейна қатилиниң тутулушиға айалиниң күнлиши сәвәб болған

түркийә авази радийоси хәвири: түркийәдә чиқиватқан гезитләрдики хәвәрләрдә көрситилишичә, абдулқадир машарипов ортакөйдики һуҗумидин кейин дәрһал зәйтибурнуға, андин башакшәһирдики айали вә икки балиси туруватқан өйгә барған. даеш террорлуқ тәшкилати машариповни вә айал-балилирини охшимиған адрестики өйләргә орунлаштурушни қарар қилған. машарипов төт йашлиқ оғлини еливалған.  айали болса, икки йашлиқ қизи билән пәндиктики бир өйгә орунлаштурулған вә у йәрдә машариповниң сенегаллиқ даешчи айал террорист дина билән имам никаһи қилип, әсәнйуртта йашаватқанлиқини аңлиған. машариповниң айали бу хәвәрни аңлап қаттиқ ғәзәпләнгән.

сақчилар 11-йанвар пәндиктики өйгә бесип кирип, машариповниң айалини тутқандин кейинки сорақларда, ф. а ериниң әсәнйурттики бир өйдә мөкүнүп туруватқанлиқини ашкарилиған.

истанбул валийси васип шаһинму: «айалидин елинған вә айалиға йардәм қилғанлардин елинған учурлар, террористниң тутулушида муһим рол ойниди» дегән иди.

бүгүн (20-йанвар) һәр қайси таратқу вә гезитләрдә, даешчи террорист машариповни йошурған, такси пулини төләп бәргән вә уни башқа йәргә йөткигән кишиләрниң рәсимлири һәмдә исимлири елан қилинди.