әһмәт давутоғлу әнқәрәдә федерика муғрини билән көрүшти

түркийә авази радийоси хәвири: баш министир әһмәт давутоғлу әнқәрәдә зийарәттә болуватқан йавропа иттипақи ташқи мунасивәт вә хәвпсизлик сийасити алий вәкили шундақла йавропа комитети муавин рәиси федерика муғрини билән көрүшти.
учришиш чанкайа сарийида ахбаратчиларға йепиқ шәкилдә өткүзүлгән болуп, тәхминән 1 саәт 45 менут давамлашти.
баш министирлик алақидар мәсуллиридин игиләнгән мәлуматларға көрә, әһмәт давутоғлуниң муғрини билән өткүзгән учришишида көчмәнләр киризиси вә түркийә билән йавропа иттипақи оттурисида давамлишиватқан һәмкарлиқ басқучлири музакирә қилинған.
учришишта йәнә сүрийә вәзийити, русийәниң райондики мәвҗутлуқи вә район характерлик башқа мәсилиләрму күнтәртипкә кәлгән.
баш министир әһмәт давутоғлу, җәнвәдә башлиниши мөлчәрлиниватқан сүрийә музакирилирида һәқиқий сүрийә өктичилириниң музакирә үстилигә келиши үчүн түркийәниң һәр түрлүк төһпиләрни қошушни худди бүгүнгә қәдәр давамлаштурғандәкла давамлаштуридиғанлиқини билдүрүп, й п г ниң террорлуқ тәшкилати п к к ниң гумаштиси икәнликини тәкитлигән.