«муһим басқучини ахирлаштурған амил п к к ниң сәркәшлики»

түркийә авази радийоси хәвири: ибраһим қалин, «‹ Daily Sabah› гезити» дә елан қилинған мақалисидә, шәрқий җәнубий анадолу райондики п к к ниң террорлуқ һәрикәтлири һәққидә тохталди, һәмдә түркийә армийәсиниң бу районда елип бериватқан һәрбий һәрикәтлириниң кордларни әмәс, террорлуқ тәшкилати п к к ни үзүл - кесил йоқитишни нишан қиливатқанлиқини тәкитләп мундақ деди: «даеш ислам диниға вәкиллик қилалмиғини, даешқа қарши күрәш мусулманларға қарши уруш елан қилиш һесабланмиғинидәк, п к к му кордларға вәкиллик қилалмайду, җүмлидин п к к ға қарши күрәш һәргизму кодрларға қарши күрәш һесабланмайду. җумһур рәисимиз баш министирлик вәзиписи өтигән мәзгилдә һәм корд пуқралиримизниң мәдәний һәқ – һоқуқлириға еришишини қолға кәлтүрүш һәмдә районни иқтисадий җәһәттин тәрәққий қилдуруш үчүн наһайити муһим қәдәмләр ташланди.»

чарә басқучини ахирлаштурған сәвәбниң п к к ниң қорал тапшурмаслиқта чиң турувелиштәк тәрсалиқи икәнликини әскәрткән қалин, «абдуллаһ өҗаланниң чақириқлири вә бу басқучта вәдә бәргән болушиға қаримай п к к қораллиқ унсурлирини түркийәдин чекиндүрмиди. чүнки п к к қорал тапшурушни халимайватиду» деди.

бир қисим дөләтлик вә хәлқаралиқ ахбарат вастилирида түркийә дөләт хәвпсизлик күчлириниң п к к ға қарши елип бериватқан һәрбий һәрикәтлири һәққидә тәтүр тәшвиқат елип бериливатқанлиқини әскәрткән қалин, таратқуларни вәқәликләрни тәрәпсиз һалда хәвәр қилишқа чақирип мундақ деди: «бир қисим таратқулар п к к ниң террорлуқ һуҗумлирини көрмәскә селиватиду һәмдә түркийәниң өз пуқралирини қоғдаш үчүн елип бериватқан һәрбий һәрикәтлирини кордларни йоқитиш нишан қилинған һуҗумлар дәп тәтүр тәшвиқ қиливатиду.»

сүрийә вә ирақтики өзгиришләр тоғрилиқму тохталған қалин п к к вә қол – чумақчилириниң даешқа қарши күрәшни өзлириниң террорлуқ һәрикәтлирини йошуридиған қалқанға айландурувалғанлиқини тәкитлиди.