03.01.2024
بۈگۈنكى تۈركىيە مەتبۇئاتىدا ئورۇن ئالغان بەزى مۇھىم خەۋەرلەرنىڭ قىسقىچە مەزمۇنلىرى تۆۋەندىكىچە:
2083505
تۈركىيە ئاۋازى رادىيوسى: «ساباھ» گېزىتى: جۇمھۇر رەئىس رەجەپ تاييىپ ئەردوغاننىڭ تۈنۈگۈن بايانات بېرىپ، 2023-يىلى ئېكسپورتنىڭ ئالدىنقى يىلغا سېلىشتۇرغاندا % 0.6 ئېشىپ، 255 مىليارد 809 مىليون دوللارغا يەتكەنلىكىنى بىلدۈرگەنلىكىنى ۋە سۆزىنى داۋاملاشتۇرۇپ: «جۇمھۇرىيىتىمىز تارىخىنىڭ ئېكسپورت رېكورتى بۇزۇلدى» دېگەنلىكىنى ئوقۇرمەنلىرىنىڭ دىققىتىگە سۇندى.
«ۋەتەن» گېزىتى: تۈركىيە مىللىي ئىستىخبارات ئىدارىسىنىڭ (ئىراقنىڭ) سۇلايمانىيە تاغلىق رايونىدا زەربە بېرىش ھەرىكىتى ئېلىپ بېرىپ، پ ك ك تېررورلۇق تەشكىلاتىنىڭ ئاتالمىش زەھەرلىك چېكىملىك ئەتكەسچىلىرىنىڭ بىرى بولغان ئابدۇلمۇتالىپ دوغرۇجىنى ئۇجۇقتۇرغانلىقىنى خەۋەر قىلدى.
«ستار» گېزىتى: گىرېتسىيە دۆلەت قانىلى ERT نىڭ تۈركىيە-گىرېتسىيە مۇناسىۋىتى توغرىسىدا ئانالىز ئېلان قىلىپ: «2024-يىلى تۈركىيە-گىرېتسىيە مۇناسىۋىتى ئۈچۈن ئىنتايىن مۇھىم» دېگەنلىكىنى ئوقۇرمەنلىرى بىلەن ئورتاقلاشتى.
«خابەرتۈرك» گېزىتى: قارابۈكنىڭ ئەسكىپازار ناھىيەسىدىكى قەدىمكى شەھەر خادىرىيانوپولىستا ئېلىپ بېرىلىۋاتقان قېزىش –تەكشۈرۈش جەريانىدا، بىر پەتنۇسقا قويۇلغان تەخمىنەن 1400 يىللىق تارىخقا ئىگە 10 تەڭگە تېپىلغانلىقىنى؛ كونستانس II گە تەۋە مەزكۇر تەڭگىلەرنىڭ مىلادى 641-يىلىدىن 666-يىلىغىچە بولغان جەرياندا بېسىلغانلىقىنىڭ ئېنىقلانغانلىقىنى يازدى.
«ھۈررىيەت» گېزىتى: ئانتاليانىڭ بۇلتۇر 15 مىليون 689 مىڭ 258 چەت ئەللىك ساياھەتچىنى كۈتۈۋېلىپ، تارىخىي رېكورت ياراتقانلىقىنى؛ شەھەرگە ئۆتكەن يىلى، شەھەرگە 3 مىليون 461 مىڭ 762 ساياھەتچى يوللىغان رۇسىيەنىڭ بىرىنچى رەتتىن ئورۇن ئالغانلىقىنى خەۋەر قىلدى.
مۇناسىۋەتلىك خەۋەرلەر
10.05.2024
بۈگۈنكى تۈركىيە مەتبۇئاتىدا ئورۇن ئالغان بەزى مۇھىم خەۋەرلەرنىڭ قىسقىچە مەزمۇنلىرى تۆۋەندىكىچە: