28.06.2022

türkiye awazi radiyosi: «star géziti», türkiye jumhur reisi rejep tayyip erdoghanning kabént yighinidin kéyin bayanat élan qilip, «süriye chégramizda tesis qilinishqa bashlanghan bixeterlik karidorining kem qalghanlirini tamamlashqa munasiwetlik teyyarliqlirimizning axirlishishi bilen, u yerde yéngi heriketlerni bashlaymiz» dégenlikini xewer qildi.

«hörriyet géziti», nato bash katipi stolténbérgning, «hemmimizning xewpsizlik qayghuliri natogha eza bolush musapisining bir parchisi süpitide nezerge élinishi kérek. héchqandaq ittipaqdishimiz türkiyedin köp térrorluq hujumigha uchrap baqmidi. térrorluq teshkilati p k k ning hujumlirimu buning ichide» dégenlikini xewer qildi.

«sabah géziti», jumhur reis rejep tayyip erdoghaning, «adanada qézilghan ikki quduqta yuqiri süpetlik néfit bayqiduq. néfit zapisi texminen 1 milyard dollar qimmitide hésablandi» dégenlikini xewer qildi.

«xeber türk géziti», antalyagha 2022-yili 1-yanwardin 26-iyunghiche ayropilan bilen kelgen chet ellik sayahetchiler sanining, ötken yilning (2021) oxshash mezgilige sélishturulghanda %193 éship, 4 milyongha yetkenlikini xewer qildi.