16.05.2022

türkiye awazi radiyosi: «‹sabah› géziti», «chawushoghlu finlandiye we shiwétsiyege qarita bayanat élan qildi, <ular térrorluqni qollaighanliqi üchün qarshimiz> dédi» serlewhilik xewiride, munu uchurlargha orun ajratti:

tashqi ishlar ministiri mewlut chawushoghlu shimaliy shimaliy atlantik ehdi teshkilati-nato tashqi ishlar ministirliri yighinigha qatnishish üchün gérmaniyening paytexti bérlingha yétip bardi. finlandiye we shiwétsiyening natogha eza bolushigha dair bayanatida, finlandiye we shiwétsiye térrorluqni qollap-quwwetligenliki üchün teshkilatqa eza bolushigha qarshimiz» dédi.

«‹xeber türk› géziti», «nato bash katipi stolténbérgning türkiye toghrisidiki bayanati» serlewhilik xewiride, bash katip jéns stolténbérgning shiwétsiye we finlandiyening mumkinchiliki bolghan ezaliq mesilisige qarita: «türkiye muhim ittipaqdashimiz. türkiye bir qisim endishelirini otturigha qoydi we natoda her daim bolghinigha oxshash endisheler otturigha chiqqanda, ortaq pikir tapalaydighanliqimizgha ishinimen» dégenlikini yazdi.

«‹star› géziti», «türkiye istixbarat teshkilati kobanida heriket élip bardi» serlewhilik xewiride, munu uchurlargha orun ajratti:

döletlik istixbarat teshkilati (MIT) tutush buyruqi chiqirilghan, mexpiy ismi xeyri we esli ismi ekrem ustek bolghan térrorluq teshkilati p k k ezasini süriyening aynolarap (kobani) rayonida yoshurunghan yéride ujuqturdi.

«‹yéngi shepeq› géziti», «rusiye sayahet jemiyitining dem élish yétekchisi: <türkiye tengdashsiz> dédi» serlewhilik xewiride, munu uchurlargha orun ajratti:

rusiye sayahet jemiyiti (ATOR) teripidin hembehirlengen yazmida, türkiyening teminligen imkaniyetliri bilen riqabetchilirini arqida qaldurghanliqi bildürüldi. rusiyelik sayahetchilerge tutqan pozitsiyesige qarita «eng yaxshi» dep baha berdi.

«‹höriyet› géziti», «pewquladde köp sayahet kémisi bodrumgha keldi» serlewhilik xewiride, mughlaning bodrum nahiyesi déngiz tewelikige dunya boyiche eng uzun ikkinchi sayahet kémisi bolghan, <uchar tülke> namliq kémining lengger tashlighanliqini, jayman taqim aralliri bayriqi ésilghan pewquladde chong sayahet kémisining uzunluqining 136 métir, kenglikining 21 métir kélidighanliqini yazdi.