07.12.2021

türkiye awazi radiyosi: «xeber türk géziti», muawin jumhur reis fuat oktayning iqtisadiy éshish nisbetliridin éksportta yaritilghan yéngi rékortlarghiche we sanaet ishlepchiqirishtiki éshishtin ishlepchiqirish küchige qétilishlarghiche bolghan nurghun körsetküchlerning, wabagha qarimay türkiyening yolini küchlengen halda dawamlashturuwatqanliqini otturigha qoyghanliqini éytqanliqini xewer qildi.

«hörriyet géziti», ezerbeyjan, özbékstan we wéngiriyening hediye qilghan wuxen wirusi (Kovid-19) waksinaliri türkiyege yétip kelgendin kéyin, bu waksinalarning türkiye hediye qilghan waksinalar bilen birlikte herbiy tiransiport ayropilani bilen afriqadiki ikki döletke ewetilgenlikini xewer qildi.

«yéngi shepeq géziti», türkiyening aptomobil guruhi tog (TOGG)  twitétr bétide uchur hembehirlep, yerlik we milliy aptomobil togning  2022-yili 5-8-yanwar künliri amérikaning las wégas shehiride ötküzülidighan istémalchilar éléktir yermenkisi (CES 2022) de körgezmige qoyulidighanliqini xewer qildi.

«sabah géziti», töwendiki qurlargha orun ajratti:

waba mezgilide teminlesh zenjiridiki tengpungsizliq  sewebidin déngiz tiransiportida kantéynir tépilmidi. gherb-sherq linyesidiki soda yolida bashqa linyelerni tépish üstide izdinish chongqurlishiwatqan bir waqitta, tömür yoli tiransiportigha bolghan telep téximu köpeydi. xitaydin yawropaghiche tutishidighan «bir yol ,bir belbagh»  layihesining shimaliy karidori toshup ketti. bu sewebtin, téz tereqqiy qiliwatqan we türkiyedin ötidighan ottura karidorgha bolghan telep barghanséri köpiyishke bashlidi.

ottura karidorgha sélinidighan mebleghlerning jemiy 8 tiriliyongha yétishi mölcherlenmekte.

«star géziti», sérbiye muawin sayahet minstiri dunya jenichning puqralargha türkiyeni sayahet qilishni chaqiriq qilip: «men türkiyede ikki kün turdum, shundaq bolsimu türkiye xelqining qanchilik méhmandost ikenlikini kördüm. bu méni nahayiti xushal qildi. sérbiye puqralirigha türkiyeni choqum sayahet qilishni tewsiye qilimen» dégenlikini xewer qildi.