25.11.2021

«‹höriyet› géziti», «ereb birleshme xelipilikidin türkiyege muhim ziyaret» serlewhilik xewiride, jumhur reis rejep tayyip erdoghanning türkiyede ziyarette boluwatqan ebuzebi text warisi sheyx muhemmed bin zeyid el nehyan bilen körüshkenlikini, uchrishishtin kéyin, türkiye bilen ereb birleshme xelipiliki otturisida biwasite meblegh sélishni öz ichige alghan 9 sahede kélishim imzalanghanliqini oqurmenlirining diqqitige sundi.

«‹yéngi shepeq› géziti», «<F-16s> tipliq yerlikleshtürülgen ayropilan oq- dora ponkiti türkümlep ishlepchiqirilishqa bashlandi» serlewhilik xewiride, munu uchurlargha orun ajratti:

türkiye mudapie sanaiti dairiside, yerlikleshtürülgen <F-16s> tipliq ayropilan oq-dora ponkiti yürüshlük ishlepchiqirishqa bashlandi. dost we ittipaqdash döletler bilen éksport üchün muzakiriler élip bérilmaqta.

«‹xewer türk› géziti», «<Turksat 5B>» süniy hemrahi 12-ayning axirida qoyup bérilidu» serlewhilik xewiride, qatnash we ul eslihe ministiri adil qaraismayloghluning: «12-ayning axirida amérikaning filorida ishtatigha qarashliq kép kanawéral bazisidin falkon 9 tipliq rakéta bilen <Turksat 5B> süniy hemrahini qoyup bérish pilanlandi» dégenlikini yazdi.

«‹star› géziti», «türkiye hemkarliq we maslashturush idarisi (TIKA) afghanistandiki yétim balilarni xushal qildi» serlewhilik xewiride, türkiye hemkarliq we maslashturush idarisi (TIKA) ning afghanistanning paytexti kabulda alaaddin qizlar yétimxanisigha yémeklik we taziliq buyumliri yardem qilghanliqini we yétimxana yatiqining muawin mudiri ezize ezizining türkiye hemkarliq we maslashturush idarisi (TIKA) gha rehmet éytqanliqini yazdi.

«‹sabah› géziti», «türkiye somon béliqi éksportida rékort yaratmaqta» serlewhilik xewiride, munu uchurlargha orun ajratti:

türkiye somon béliqi éksport xizmet guruppisi bashliqi osman parlaq yuqumgha qarimastin aldinqi 10 ay ichide 18 döletke jemiy 120 milyon 946 ming 674 dollarliq éksportni ishqa ushurghanliqini éytti. osman parlaq éksportining 80 pirsentining rusiyege qilghanliqini tekitlidi.