23.11.2021

türkiye awazi radiyosi: «xeber türk géziti», türkiye jumhur reisi rejep tayyip erdoghanning, «pul-muamile kirizisini bashqurushta tejribe-sawaqlargha ige dölet bolush süpitimiz bilen, dunya bashtin kechürüwatqan achquchluq mezgil peyda qilghan pursetlerdin paydilinish iradilirimiz qetiy» dégenlikini xewer qildi.

xewerde yene, rejep tayyip erdoghanning, «meblegh sélish, ishlepchiqirish, ishqa orunlashturush, éksportni merkez qilghan iqtisadiy siyasetlirimiz bilen dölitimiz üchün eng toghrini qilishta qetiy qarargha igimiz» dégenliki qeyt qilindi.

«weten géziti», girétsiyening türkiyening mudapie sanaiti sahesidiki ilgirileshlirini yéqindin közitiwatqanliqini xewer qildi.

xewerde, türkiyening yerlik we milliy téxnologiyeliri girétsiye taratqulirida keng xewer qilinish bilen birge, afénaning türkiyege yétishish namida yolgha qoyghan siyasetlirining tenqid qiliniwatqanliqi bildürüldi.

bildürülishiche, mudapie sanaitide türkiyege yétishish üchün amérika we firansiyege ayropilan, paraxot zakas qilghan aféna, enqerege yétishelmeydighanliqini bilgen. girétsiye taratquliri «qorallinish musabiqisi bizni weyran qilidu» dégen serlewhilerde xewer élan qilishqa bashlighan.

«yéngi shepeq géziti», marakesh, aljiriye, riwanda we nigériyedin kéyin, yene bir afriqa döliti nigérning uchquchisiz hawa apparati «2 t b-bayraktar» gha xéridar bolghanliqini xewer qildi.

xewerde, nigérning térrorluq teshkilati el qaide we daéshqa qarshi kürishini bayraktar uchquchisiz hawa apparatliri bilen qilidighanliqi qeyt qilindi.

«star géziti», afriqaning nurghun güzelliklerni öz ichide saqlawatqan bir qite ikenlikini tilgha alghan «Hear Women» namliq teshkilatning yuqiri derijilik bashqurghuchisi déqa salad (Deqa Salad) ning, bashqa döletler meblegh sélish üchün xeterlik dewatqan künlerde, türkiyening jumhur reis rejep tayyip erdoghanning bashchiliqida somaligha meblegh sélishtin chékinmigenlikini éytqanliqini xewer qildi.

«sabah géziti», wuxen wirusi (Kovid-19) gha tetqiq qilip yasalghan yerlik waksina türkowak (TURKOVAC) ning üchinchi qétimliq siniqini 3 ming kishi üstide qilishning pilan qilinghanliqini xewer qildi.

xewerde, yerlik waksinani 2022-yilda xizmetke sunushning pilan qilinghanliqi qeyt qilindi.