18.11.2021

«‹xewer türk› géziti», «erdoghan: <yawropa ittipaqining konkrét qedemlerni tashlishini kütmektimiz> dédi» serlewhilik xewiride, munu uchurlargha orun ajratti:

jumhur reis rejep tayyip erdoghan enqerede ispaniye bash ministiri pédro sanchéz bilen birleshme axbarat élan qilish yighini ötküzdi. ispaniye bilen ortaq awiyamatka ishlepchiqarghanliqini bildürüp, yawropa ittipaqining türkiyege qarita konkrét qedemlerni tashlishini xalaydighanliqini éytti. erdoghan ikki döletning qanunsiz köchmenler mesiliside éghir yüklerni üstige alidighanliqini bildürüp, tamozhna ittipaqini yéngilash we wiza kechürüm qilish xizmitini bashlash kéreklikini otturigha qoydi.

«‹star› géziti»  «sanchéz: <türkiye otturiche hésabtinmu yuqiri örlimekte> dédi» serlewhilik xewiride, munu uchurlargha orun ajratti:

ispaniye bash ministiri pédro sanchéz türkiye bilen ispaniye otturisidiki ikki tereplik munasiwetning pewquladde sewiyige yetkenlikini bayan qilip, «türkiye öz nöwitide yene, otturiche hésabtinmu yuqiri örlimekte we bu kelgüsidimu dawamlishidu» dédi. sanchéz türkiyening yawropa ittipaqining bir ezasi bolushini xalaydighanliqini tekitlidi.

«‹yéngi shepeq› géziti», «amérika bilen mudapie yighini» serlewhilik xewiride, munu uchurlargha orun ajratti:

amérika bilen herbiy mesililer muzakire qilinghan yuqiri derijilik mudapie guruppisining yighini 4 yildin kéyin washingtonda ötküzüldi. özara we rayonluq mudapie we bixeterlik mesiliside pikir almashturulghan yighinning «ijabiy» we «netijilik» bolghanliqi élan qilindi. kéyinki yighin türkiyede ötküzülidighan boldi.

«‹höriyet› géziti», «türkiye sayahette italiye we ispaniyenimu arqida qaldurup qoydi» serlewhilik xewiride, munu uchurlargha orun ajratti:

dunya miqyasida sayahet tarmaqliri yéqinqi 2 yildin béri kowid-19 ning tesirini bashtin kechürmekte. lékin eslige keltürüsh basquchimu bashlanghan ehwalda turmaqta. türkiye yéqinqi ikki yilda sayahetchilikte aq déngiz oymanliqidiki döletlerge qarighanda téximu téz tereqqiy qildi. 2021-yilining aldinqi toqquz éyida, ispaniye we italiyedinmu köp chetellikler sayahetchilerni kütüwaldi.

«‹weten› géziti», «türkiyening éksporti dunya bazirida %1 ge yetti» serlewhilik xewiride, munu uchurlargha orun ajratti:

soda ministiri mehmet mush, «türkiye yéqinqi 20 yilda tunji qétim dunya éksportida %1 lik sewiyige yetti» dédi.  mehmet mush éksportning importqa sélishturghanda öktebirde %93.4 bolghanliqini, aldinqi yilning oxshash mezgilige sélishturghanda %7.2 éship, %84.3 ke yetkenlikini bildürdi.