15.10.2021

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

1720125
15.10.2021

türkiye awazi radiyosi: «weten» géziti: «taliban wekiller ömiki türkiyede» serlewhilik xewiride, dölitimiz (türkiye jumhuriyiti) tashqi ishlar ministiri mewlüt chawushoghlu taliban teripidin qurulghan afghanistan muweqqet hökümitining tashqi ishlar ministiri wekili emirxan mutteqi we hemrahliqidiki wekiller ümiki bilen körüshkendin kéyin, taliban heyiti bilen türkiyening afghanistangha qilghan yardimi toghrisida sözleshkenliklirini bildürüp, «ularmu bizning bolupmu insanperwerlik yardemler, u yerdiki sélinmilarning dawamlashturulushi, iqtisad, yeni tereqqiyat yardemliri bilen bashqa organlirimizning bügünki küngiche qilip kelgen yardemlirini dawamlashturushini ümid qilidighanliqini bildürdi» dégenlikini yazdi.

«yéngi shepeq» géziti: «aqar: qilinishqa tégishlik qandaq ish bolsa, waqti kelgende qilinidu (dédi)» serlewhilik xewiride, (türkiye jumhuriyiti) dölet mudapie ministiri xulusi aqarning, p k k / y p g térrorluq teshkilatining süriyening shimalidin qiliwatqan hujumliri toghrisida toxtilip: «heq – hoquq we menpeetimizni qoghdash we asrash üchün qilishqa tégishlik her qandaq ish, hörmetlik jumhur reisimizning rehberlikide bügüngiche qandaq qilinghan bolsa, héchkim shübhe qilmisunki, yéri we waqti kelgende oxshash shekilde qilinidu» dégenlikini oqurmenliri bilen ortaqlashti.

«sabah» géziti: «toluq musteqil mudapie sanaiti(ning ehmiyiti) tekitlendi» serlewhilik xewiride, jumhur reis rejep tayyip erdoghanning rehberlikide chaqirilghan dölet mudapie sanaiti ijraiye komitéti yighinida, yerlik we milliy sistémilargha yéngi sistémilarni ilawe qilishqa munasiwetlik mesililerning muzakire qilinghanliqi, toluq musteqil mudapie sanaitining ehmiyitining tekitlengenliki toghrisidiki uchurlarni oqurmenlirining diqqitige sundi.

«star» géziti: «yene ikki dölet türk uchquchisiz hawa apparatini sétiwalmaqchi» serlewhilik xewiride, éfiyopiye bilen marakeshning bayqar mudapie sanaiti shirkiti ishlepchiqarghan qoralsiz uchquchisiz hawa apparati sétiwélish üchün telep sunghanliqini yazdi.

«hörriyet» géziti: «dunyadiki eng égiz ayal» serlewhilik xewiride, qarabükning safranbolu nahiyeside olturushluq rumeysa gelgining 2 métir 15 santimétirliq boyi bilen «dunyadiki eng égiz ayal» rékortigha kirgenliki toghrisidiki uchurlargha orun berdi.


خەتكۈچ: #uyghurche , #gézit , #metbuat , #türkiye

مۇناسىۋەتلىك خەۋەرلەر