14.10.2021

türkiye awazi radiyosi: <<yéngi shepeq géziti>>, süriyediki p k k hujumliri sewebidin amérika bilen rusiyege qattiq signallarni bergen türkiye tashqi ishlar ministiri mewlüt chawushoghluning: <<amérika bilen rusiye bizge bergen wediside turmidi. térroristlarning tazilinishi üchün néme qilish kérek bolsa shuni qilimiz>> dégenlikini xewer qildi.

xewerde, mewlüt chawushoghluning amérikaning süriyede shéhit bolghan eskerler üchün türkiye xewpsizlik tarmaqliri üchün élan qilghan teziye télégrammisigha semimiy emes dep qaraydighanliqlirini bildürgenliki qeyt qilindi.

<<star géziti>>, rusiye pirézidénti wladimir putinning yawropagha oxshimighan yollar bilen gaz yetküzüshni köpeytkenliklirini bildürüp: <<türkiye zémini, mawi éqim linyesi, türk éqimi we ukraina arqiliq gaz yetküzüshni köpeytiwatimiz. yene köpeytish telep qilinsa, biz teyyar>> dégenlikini xewer qildi.

<<hörriyet géziti>>, türkiye tashqi ishlar ministirliqining népalning mugu rayonida 32 kishi jénidin ayrilghan aptobus weqesi sewebi bilen népal hökümiti we xelqige teziye télégrammisi ewetkenlikini xewer qildi.

<<weten géziti>>, ereb taratqulirining türkiye mudapie sanaitining bashliqi ismail demirning pakistan déngiz armiyesining <<90B agosta>> tipliq déngiz asti paraxotlirini zamaniwilashturush toghrisida élan qilghan bayanati toghrisida xewer tarqatqanliqini bildürdi.

gézitning xewiride qeyt qilinishiche, ereb taratquliri ismail demir: <<mudapiede siyasiy bésimlar bar. mesilen, pakistanning firansiyedin sétiwalghan déngiz asti paraxotlirini zamaniwilashturush ishlirini kötürege bérishte, firansiye qattiq bésim qildi, emma türkiye mudapie téxnologiyeliri inzhénérliq we soda cheklik shirkiti ghelibe qildi>> dégen sözlirige orun ajratqan.

<<xeber türk géziti>>, sehiye ministiri fahrettin kojaning wuxen wirusi Kovid-19)) gha qarshi tetqiq qilip yasiliwatqan türkowak (Turkovac) waksinasining üchinchi qétimliq sinaq ishlirining dawamlishiwatqanliqini bildürgenlikini xewer qildi.

xewerde, fahrettin kojaning kishilerni türkowak waksinasi tetqiqatlirida pidaiy bolushqa chaqirghanliqi eskertildi.