08.10.2021

түркийә авази радийоси: «хабәртүрк» гезити: «түркийә исраилийәни әйиблиди» сәрләвһилик хәвиридә, (түркийә җумһурийити) ташқи ишлар министирлиқиниң, исраилийә сот мәһкимисиниң йәһудийларниң ишғал астидики шәрқий қуддусниң кона шәһәр районидики мәсҗиди әқсада «җимҗит» дуа қилишини тәстиқлишини қаттиқ әйибләп: «биз хәлқара җәмийәтни бу хата, қанунсиз вә хәтәрлик қарарға, һәмдә мәсҗиди әқсаға қаритилған барлиқ иғвагәрчиликләргә қәтий қарши турушқа чақиримиз» дегәнликини йазди.

«һөррийәт» гезити: «әнглийә бионтек ваксиниси әмләткүзгәнләрни өйдә карантин қилиш қарарини бикар қилди» сәрләвһилик хәвиридә, әнглийәниң түркийә қатарлиқ 37 дөләттин келидиған ковид – 19 ваксинисини толуқ әмләткүзгән йолучиларниң тәвәликигә киришигә рухсәт қилидиғанлиқини елан қилғанлиқини йазди.

гезитниң хәвиридә көрситилишичә, әнглийә тәрипидин тәстиқланған ковид – 19 ваксинилирини түркийәдә әмләткүзгәнләр 10 күн өйдә карантин қилиш түзүмидин кәчүрүм қилинидикән. толуқ ваксина әмләткүзгән һесаблиниш үчүн әнглийәгә бериштин кәм дегәндә 14 күн лигири оксфорд / астра зенека, пфизер/бионтек, модерна вә җанссен ваксинилиридин бирини икки қута әмләткүзгән болуш керәк икән.

«йеңи шәпәқ» гезити: «турковакқа үчинчи қута иҗазәтнамиси чиқти» сәрләвһилик хәвиридә, түркийә дора вә давалаш үскүнилири идарисиниң йәрлик ваксина турковакни күчәйткүчи дора (әскәртиш ваксиниси) қилип ишлитиини тәстиқлиғанлиқини؛ икки қута синовак ваксиниси әмләнгән кишиләргә түнүгүндин тартип үчинчи қута ваксина сүпитидә турковакниң әмлинишкә башланғанлиқини йазди.

«стар» гезити: «түркийә дост дөләткә зор мәбләғ (салди)» сәрләвһилик хәвиридә, қазақистанниң бу йилниң алдинқи йеримида дөләткә селинған чәт әл биваситә мәблиғиниң нисбитини елан қилғанлиқини, униңда көрситилишичә, түркийәниң америка вә шивейтсарийәдин қалсила қазақистанға салған мәблиғини әң көп ашурған үчинчи дөләткә айланғанланғанлиқини йазди.

«сабаһ» гезити: «Hugo Boss түркийәдики ишләпчиқириш миқдарини ашуриду» сәрләвһилик хәвиридә, ковид   -  19 йуқумидин кейин ғәрб ширкәтлириниң кәм болса болмайдиған тәминлигүчисигә айланған түркийәниң, дунйаниң чоң ширкәтлириниң арқа – арқидин салған мәбләғлири билән диққәтни тартишқа башлиғанлиқи؛ әң йеңи мәбләғ селиш хәвәриниң германийә мода магнати Hugo Boss тин кәлгәнлики, ширкәтниң келәр йили түркийәдики хизмәтчи саниға йеңидин миң кишини сәпләйдиғанлиқи тоғрисидики учурларға орун бәрди.