30.09.2021

bügünki türkiye gézitlirida asasiy salmaqni igiligen xewerlirimiz töwendikiche:

1712629
30.09.2021

türkiye awazi radiyosi: «yéngi shepeq› géziti», «erdoghan: süriyening tinchliqi türkiye we rusiyege baghliq <dédi>» serlewhilik xewiride, munu uchurlargha orun ajratti: jumhur reis rejep tayyip erdoghan bilen rusiye pirézidénti putin otturisida élip bérilghan yüz turane uchrishishta, halqiliq mesililer muzakire qilindi. bolupmu süriyediki yéngi özgirishler muzakire qilinghan uchrishishtin ilgiri bayanat élan qilghan erdoghan, «süriyege qarita birlikte tashlighan qedemlirimiz intayin muhim. u rayonning tinchliqimu türkiye bilen rusiyening munasiwitige baghliq» dédi. «

«xewer türk› géziti», «erdoghan nyu-york waqit gézitige türkiyening S-400 ni néme üchün sétiwalghanliqini sözlep berdi» serlewhilik xewiride, munu uchurlargha orun ajratti: jumhur reis erdoghan amérika nyu-york waqit géziti (NYT) ning ziyaritini qobul qilip, <türkiyening rusiyedin S-400 hawa mudapie sistémisini sétiwélishi, shimaliy atlantik ehdi teshkilatigha ziyan yetküzdi> dégen tenqidlerni ret qildi we: «eger amérika wetenperwer bashqurulidighan bomba mudapielinish sistémisini türkiyege sétip bergen bolsa idi, biz S-400 lerni élishqa mejbur bolmighan bolattuq» dégen sözlerni ishletti.

«weten› géziti», «türkiye bilen ukraina otturisidiki tarixi ehmiyetke ige kélishim» serlewhilik xewiride, munu uchurlargha orun ajratti: ukraina dölet mudapie ministirliqi bilen baykar shirkiti otturisida ortaq uchquchisiz ayropilan asrash we terbiyelesh merkizi qurush toghrisida kélishim imzalandi. kélishimge asasen baykar shirkiti ukraina armiyesige tewe wasilkow rayonida uchquchisiz ayropilanlarni asrash, zamaniwilashturush we meshiq merkizi quridu. ukraina qoralliq qisimliri türkiyedin 7 dane TB2 uchquchisiz hujumchi ayropilan sétiwalghan idi. «‹

«sabah› géziti», «türkiye sijil énérgiye jehette dunyada 12-orunda we yawropada 5-orunda turidu» serlewhilik xewiride, munu uchurlargha orun ajratti: énérgiye we tebiiy bayliq ministiri fatih donmez türkiyening hazirqi sijil énérgiye iqtidari bilen dunyada 12-orunda we yawropada 5-orunda turidighanliqini bildürüp, «biz quyash we shamal énérgiyisidimu bashlamchi we ülgilik dölet bolidighanliqimizgha ishinimiz. bu ishenchimizning muhim namayendisi süpitide, quyash we shamal énérgiyesige meblegh sélishta eng yuqiri pellige chiqtuq» dédi.

«höriyet› géziti», «firansiye shirketliri türkiyege salghan meblighini köpeytidu» serlewhilik xewiride, munu uchurlargha orun ajratti: firansiye tashqi soda we meblegh sélish ministiri firank ristér türkiye bilen firansiyening özara sodisining intayin muhimliqini tekitlep, «bultur biz 14 milyard yawroluq öz-ara sodisini ishqa ashurduq. yéqinqi aylarda öz-ara sodining tézleshkenlikini körmektimiz. shunglashqa bu yil biz 16 milyard yawrogha yétishimiz mumkin» dédi.


خەتكۈچ: #uyghurche , #metbuat , #gézit , #türkiye

مۇناسىۋەتلىك خەۋەرلەر