09.09.2021
bügünki türkiye gézitliride asasiy salmaqni igiligen xewerlirimiz töwendikiche:
türkiye awazi radiyosi xewiri: «‹yéngi shepeq› géziti», «misir bilen bolghan kéngishishni dawamlashturush kélishimi tüzüldi» serlewhilik xewiride, türkiye bilen misir otturisidiki meslihetlerning ikkinchi qismining enqerede ötküzülgenlikini, türkiye tashqi ishlar ministirliqining söhbetke munasiwetlik bayanat élan qilip, her ikki döletning munasiwetni normallashturush üchün kéngishishni dawamldshturushta qetiy iradige ige ikenlikini jakarlighanliqini yazdi.
«‹star› géziti, «gwiniyediki herbiy siyasiy özgirishning sewebi<échilish>» serlewhilik xewiride, gwiniyediki eng axirqi herbiy siyasiy özgirishni firansiyedin ayrim dep qarashqa bolmaydighanliqini tekitligen mutexessislerning: «fransiye qatarliq gherb döletliride terbiyelengen gwiniyelik herbiy emeldar pirézidént alfa kondéning döletni rusiye we türkiyege yéqinlashturushidin biaram boldi» dégenlikini yazdi.
«‹höriyet› géziti», «dunyadiki eng chong alem qatnishi we téxnika féstiwali «TEKNOFEST» dawamlashmaqta» serlewhilik xewiride, <TEKNOFEST> awiatsiye, alem qatnishi we téxnika féstiwali dairiside, rokétsan shirkitining kapaliti we türkiye pen-téxnika tetqiqat kéngishining qollishi bilen 1 – sintebirde tuz kölidiki hisar étish meydanida bashlanghan «rakéta beygisi»ning dawamlishiwatqanliqini, dunyadiki eng chong alem qatnishi we téxnika féstiwalida, toluq ottura mektep oqughuchiliri layihelep yasap chiqqan we ishlepchiqarghan rakitaning yuqiri égizlikke qoyup bérilishi hemmini heyran qaldurghanliqini yazdi.
«‹sabah› géziti», «waksinini tereqqiy qildurush, küchlük dölet bolghanliqtur» serlewhilik xewiride, waksinini tereqqiy qildurushning hem maliye we ilmiy bayliq jehettinmu müshkül wezipe ikenliki, tajisiman wirus waksinilirining amérika, engiliye, yawropa ittipaqi, xitay, rusiye we hindistanda yasap chiqilghanliqini, türkiyeningmu pat yéqinda tajisiman wirus waksinisi ishlepchiqarghan küchlük döletlerning birige aylinidighanliqini we yerlik tajisiman wirus waksinisi turkowakning qish kélishtin burun keng kölemde ishlitilishi mölcherliniwatqanliqini yazdi.
«‹weten› géziti», «yerlik aptomobil «TOGG», 2022 -yili yollarda bolidu» serlewhilik xewiride, munu uchurlargha orun ajratti:
sanaet we téxnika ministiri mustapa warank teqezzaliq bilen kütiliwatqan yerlik aptomobil TOGG ning 2022-yili zawuttin chiqip, yollarda bolidighanliqini élan qildi. mustapa warank aptomobil layiheside hemme ishning pilandikidek dawam qiliwatqanliqini, tunji yerlik aptomobilning türkiyeni mashina sanaitidiki yéngi birleshmige élip kéridighanliqini bayan qildi.
