09.09.2021

бүгүнки түркийә гезитлиридә асасий салмақни игилигән хәвәрлиримиз төвәндикичә:

1705106
09.09.2021

түркийә авази радийоси хәвири: «‹йеңи шәпәқ› гезити», «мисир билән болған кеңишишни давамлаштуруш келишими түзүлди» сәрләвһилик хәвиридә, түркийә билән мисир оттурисидики мәслиһәтләрниң иккинчи қисминиң әнқәрәдә өткүзүлгәнликини, түркийә ташқи ишлар министирлиқиниң сөһбәткә мунасивәтлик байанат елан қилип, һәр икки дөләтниң мунасивәтни нормаллаштуруш үчүн кеңишишни давамлдштурушта қәтий ирадигә игә икәнликини җакарлиғанлиқини йазди.  

«‹стар› гезити,  «гвинийәдики һәрбий сийасий өзгиришниң сәвәби<ечилиш>» сәрләвһилик хәвиридә, гвинийәдики әң ахирқи һәрбий сийасий өзгиришни фирансийәдин айрим дәп қарашқа болмайдиғанлиқини тәкитлигән мутәхәссисләрниң: «франсийә қатарлиқ ғәрб дөләтлиридә тәрбийәләнгән гвинийәлик һәрбий әмәлдар пирезидент алфа кондениң дөләтни русийә вә түркийәгә йеқинлаштурушидин биарам болди» дегәнликини йазди.

«‹һөрийәт› гезити», «дунйадики әң чоң аләм қатниши вә техника фестивали «TEKNOFEST» давамлашмақта» сәрләвһилик хәвиридә, <TEKNOFEST> авиатсийә, аләм қатниши вә техника фестивали даирисидә, рокетсан ширкитиниң капалити вә түркийә пән-техника тәтқиқат кеңишиниң қоллиши билән 1 – синтәбирдә туз көлидики һисар етиш мәйданида башланған «ракета бәйгиси»ниң давамлишиватқанлиқини, дунйадики әң чоң аләм қатниши вә техника фестивалида, толуқ оттура мәктәп оқуғучилири лайиһәләп йасап чиққан вә ишләпчиқарған ракитаниң йуқири егизликкә қойуп берилиши һәммини һәйран қалдурғанлиқини йазди.

«‹сабаһ› гезити», «ваксинини тәрәққий қилдуруш, күчлүк дөләт болғанлиқтур» сәрләвһилик хәвиридә, ваксинини тәрәққий қилдурушниң һәм малийә вә илмий байлиқ җәһәттинму мүшкүл вәзипә икәнлики, таҗисиман вирус ваксинилириниң америка, әнгилийә, йавропа иттипақи, хитай, русийә вә һиндистанда йасап чиқилғанлиқини, түркийәниңму пат йеқинда таҗисиман вирус ваксиниси ишләпчиқарған күчлүк дөләтләрниң биригә айлинидиғанлиқини вә йәрлик таҗисиман вирус ваксиниси турковакниң қиш келиштин бурун кәң көләмдә ишлитилиши мөлчәрлиниватқанлиқини йазди.

«‹вәтән› гезити», «йәрлик аптомобил «TOGG», 2022 -йили йолларда болиду» сәрләвһилик хәвиридә, муну учурларға орун аҗратти:

санаәт вә техника министири мустапа варанк тәқәззалиқ билән күтиливатқан йәрлик аптомобил TOGG ниң 2022-йили завуттин чиқип, йолларда болидиғанлиқини елан қилди. мустапа варанк аптомобил лайиһәсидә һәммә ишниң пиландикидәк давам қиливатқанлиқини, тунҗи йәрлик аптомобилниң түркийәни машина санаитидики йеңи бирләшмигә елип керидиғанлиқини байан қилди.



مۇناسىۋەتلىك خەۋەرلەر