02.09.2021

bügünki türkiye gézitliride asasiy salmaqni igiligen xewerlirimiz töwendikiche:

1701370
02.09.2021

türkiye awazi radiyosi xewiri: «‹höriyet› géziti», «erdoghan: <biz dunyada iqtisadi tereqqiyati eng téz örligen ikkinchi döletke aylanduq > dédi» serlewhilik xewiride, munu uchurlargha orun ajratti:

jumhur reis rejep tayyip erdoghan tünügün élan qilghan bayanatida, türkiye iqtisadining yilning ikkinchi peslide %21.7 ashqanliqini eskertip, türkiyening dunyada iqtisadi tereqqiyati eng téz örligen ikkinchi döletke aylanghanliqini éytti.

«‹sabah› géziti», «chawushoghlu sérbiye dölet mejlisi bashliqi dachich bilen körüshti» serlewhilik xewiride, munu uchurlargha orun ajratti:

tashqi ishlar ministiri mewlut chawushoghlu sérbiye ziyariti dairiside, dölet mejlisi bashliqi iwika dachich bilen körüshti. chawushoghlu ijtimaiy alaqe hésabidiki yazmisida, «biz sérbiye dölet mejlisi bashliqi dostum iwika dachich bilen körüshtuq, munasiwetlirimizning parlamént ölchimige intayin ehmiyet bérimiz» dédi.

«‹weten› géziti»,  «aqar: <eskerlirimiz dunya tinchliqigha xizmet qilmaqta> dédi» serlewhilik xewiride, munu uchurlargha orun ajratti:

dölet mudapie ministiri xulusi aqar afghanistandin eskerlerni tarqaqlashturush toghrisida tünügün élan qilghan bayanatida, «eskerlirimiz hazirghiche wezipe ötigen barliq jaylarda bolghangha oxshash afghanistandimu ejdadliri we shanliq tarixigha yarishimliq shekilde wezipilirini muweppeqiyetlik orundap, afghanistan xelqining qelbini utup, dunya tinchliqigha xizmet qilishning ghururi bilen yurtigha bixeter qaytip keldi» dédi.

«‹xewer türk› géziti», «istanbul ayrodorumi yawropa boyiche eng netijilik ayrodorum bolup bahalandi» serlewhilik xewiride, munu uchurlargha orun ajratti:

awiatsiye tiransiport tetqiqat jemiyiti (ATRS) teripidin istanbul ayrodorumi 40 milyondin artuq yoluchi toshush türide «yawropa boyiche eng netijilik ayrodorum» mukapatigha érishti.

«‹star› géziti» «türkiye dunyada aldinqi qatardiki 10 dölet ichidin orun aldi» serlewhilik xewiride, munu uchurlargha orun ajratti:

türkiye bultur ishlepchiqirishqa kirishtürülgen 2500 mégawatliq su éléktir istansisi bilen dunyada bu sahe boyiche sighimi eng yuqiri deslepki  10 dölet qataridin orun aldi. türkiyening su éléktir küchi iyulning axirighiche bolghan ariliqta 31 ming 436 mégawatqa yetti.



مۇناسىۋەتلىك خەۋەرلەر