29.07.2021

«‹yéngi shepeq› géziti», «qara déngiz tebiiy gazi bilen tunji ot yéqildi» serlewhilik xewiride, munu uchurlargha orun ajratti:

jumhur reis rejep tayyip erdoghan sakariya gazini yéqish murasimida qilghan sözide, «qara déngiz gazining otturigha chiqishi bilen sirtqa béqinishni töwenlitimiz. birinchi basquchluq pishshiqlap ishlengen gazni 2023 – yiligha ülgürütüsh üchün japaliq emgek qilinmaqta» dédi. kéler yili déngizning astigha 169 kilomitir turubba yatquzudighanliqini tekitligen erdoghan: «bu dunya boyiche eng uzun chongqur déngiz ulinishi bolup qalidu» dédi.

«‹star› géziti», «türkiye burkina fasogha méxanikiliq mina tazilash üskünisi (MEMATT) éksport qildi» serlewhilik xewiride, munu uchurlargha orun ajratti:

dölet mudapie ministirliqi qarmiqidiki «ASFAT» shirkiti ishlepchiqarghan méxanikiliq mina tazilash üskünisi  (MEMATT) ezerbeyjanning arqidin burkina fasogha éksport qilindi. shundaq qilip «ASFAT» shirkiti afriqigha tunji mudapie sanaiti éksportini ishqa ashurghan boldi.

«‹höriyet› géziti»,  «türkiyedin chong utuq» serlewhilik xewiride, munu uchurlargha orun ajratti:

merkizi ishxanisi londonda turushluq tetqiqat orgini «Ember» ning bu yilning aldinqi yérimini öz ichige alghan yawropa éléktir énérgiyesi körsetküchi doklatigha asaslanghanda, türkiyening bu mezgilde shamal we quyashtin éléktir ishlepchiqirishtiki omumiy hesisisi %12.9 gha örligen. türkiye shamal we quyash énérgiyesidin tok chiqirishta yawropa döletliri ichide 17-orungha ötken.

«‹sabah› géziti», «türkiye hawa yolliri shirkiti her küni 1323 nöwetchi ayropilan bilen yawropa boyiche ikkinchi boldi» serlewhilik xewiride, munu uchurlargha orun ajratti:

türkiye awiatsiye shirkiti yawropadiki kündilik uchush qétim sani 1323 bolghan ikkinchi awiatsiye shirkiti boldi. pégasus awiatsiye shirkitimu yawropada eng köp uchidighan awiatsiye shirketliri tizimlikide 8-orungha  ötti.

«‹xewer türk› géziti», «pataradiki qézishta 2300 yilliq béliq iskilitliri tépildi» serlewhilik xewiride, munu uchurlargha orun ajratti:

antalyaning kash nahiyesidiki patara qedimiy shehiride élip bérilghan qézip tekshürüsh jeryanida, yémek tashlanduqliri arisidin 2300 yilliq béliq iskilitliri tépildi.