28.07.2021

türkiye awazi radiyosi: «star géziti», türkiye jumhur reisi rejep tayyip erdoghanning angola pirézidénti joa manuél gonkalwés lawrénko (João Manuel Gonçalves Laurenço) bilen ötküzgen ortaq axbarat élan qilish yighinida, ikki dölet otturisidiki soda omumiy hejimining intayin töwen ikenlikini bildürüp: «hazirqi soda omumiy hejimimiz 176 milyon dollar. bu ikki küchlük dölet üchün mezkur soda omumiy hejimi nahayiti töwen. deslepki nishanimiz bu sanni 500 milyon dollargha chiqirish» dégenlikini xewer qildi.

«yéngi shepeq géziti», dunya taratqulirining türkiyening uchquchisiz hawa apparatlirini xewer qilishni dawamlashturuwatqanliqini xewer qildi.

xewerde, amérikaning «forbés» (Forbes) zhurnilining, türkiyening uchquchisiz hawa apparatlirida nahayiti zor éksport baziri shekillendürgenlikini, nato we yawropa ittipaqi döletliri arisida xéridar tépishni dawam qiliwatqanliqining xewer qilghanliqi  bildürüldi.

«weten géziti», wan waliysi mehmet emin bilmezning köch bésimining éshishi sewebidin, türkiye-iran chégra bixeterlikini saqlash, qanunsiz köch we adem etkeschilikining aldini élish, térroristlarning mexpiy chégradin ötüshining aldini élish meqsitide, 295 kilométirliq chégra linyesige tam sélinidighanliqini éytqanliqini xewer qildi.

«sabah géziti», 17-iyuldin 25-iyulghiche bolghan toqquz künde, antalyagha rusiyedin 200 ming 356, gérmaniyedin 76 ming 152, ukrainadin 68 ming 663, polshadin 28 ming 898 we qazaqistandin 15 ming 917 bolup, jemiy 562 ming 907 chet ellik sayahetchining kelgenlikini xewer qildi.