26.07.2021

«‹sabah› géziti», «türkiye sijil énérgiye menbeside yawropa boyiche 5- orungha ötti» serlewhilik xewiride, munu uchurlargha orun ajratti:

muhit we sheher qurulushi ministiri murat kurum sijil énérgiye menbesi nuqtisidin, türkiyening dunya buyiche 12- we yawropa boyiche 5-dölet bolghanliqini bildürdi. türkiyening ornitilghan énérgiyisining %52 ni sijil énérgiyedin qamdaydighanliqini tekitlep: «kelgüsi 10 yilda her yili 10 gégawat shamal we quyash énérgiyesi hasil qilish üchün sijil énérgiye iqtidarimizni téximu ashurushqa tirishimiz» dédi.

«‹höriyet› géziti», «yerlik waksina yil axirighiche keng kölemde ishlitilishke teyyar bolidu» serlewhilik xewiride, munu uchurlargha orun ajratti:

wirusqa oxshash zerriche (VLP) ni asas qilghan yerlik kowid-19 waksinasi tetqiqatida, 1- we 2-basquchluq sinaqlar tamamlandi. sinaq qilinghuchilarda hazirghiche héchqandaq ekis tesir körülmidi. yil axirighiche yerlik waksinaning teyyar halgha kélishi üchün xizmetler dawamlashmaqta. (VLP) ni asas qilghan yerlik  waksinasining wuxen wirusining her qaysi wariyantlirigha qarshi ünümige alaqidar tetqiqatlarmu dawamlashmaqta.

«‹yéngi shepeq› géziti», «sayahet saheside chong yaxshilinish» serlewhilik xewiride, munu uchurlargha orun ajratti:

rusiye, gérmaniye we firansiye türkiyege qarita sayahet cheklimisini bikar qilghandin bashqa yene, 1-iyulda bashlanghan normallishish we qurban héytliq dem élish bilen türkiyede chong sayahet bashlandi. milyonlighan kishi déngiz boyi rayonlirigha sayahetke chiqti, sehiye sayahetchiliriningmu arshanglargha qarap éqishi bilen méhmanxanilar tolup tashti. dölet ichi sayahet baziri körsetküchi sayahetchiliktiki eng yaxshi bir yil hésablinidighan 2019-yildiki sanliq körsetküchtinmu éship ketti. chet ellik sayahetchi bazirida 50 din artuq dölettin kelgen méhmanlar kütüwélindi.

«‹star› géziti», «yerlik uchar aptomobil «AirCar»  üchün waqit mueyyenleshti» serlewhilik xewiride, munu uchurlargha orun ajratti:

yerlik téxnika shirkiti «Softtech» hem meblegh salghuchisi, hem tereqqiy qildurghuchisi bolghan uchar aptomobilning tunji ülge tipi bilen sinaq uchushni tamamlidi. bir yoluchi bilen 80 kilométir, ikki yoluchi bilen 50 kilométir musapigha baralaydighan tokluq we %100 aptomatik aptomobilning 2025-yili istanbul asminida uchushi pilan qilinmaqta.

«‹weten› géziti», «memliketlik ayallar walibol komandisidin yaxshi bashlinish» serlewhilik xewiride, munu uchurlargha orun ajratti:

2020-yilliq tokyo olimpik tenheriket musabiqiside B guruppida riqabetke chüshken memliketlik ayallar walibol komandisi xitayni 0 ge qarshi 3 netije bilen meghlub qildi. jumhur reis rejep tayyip erdoghan olimpik chémpiyonini meghlub qilghan memliketlik ayallar walibol komandisini tebriklidi. memliketlik ayallar walibol komandisi bu guruppida xitaydin bashqa yene, amérika, argéntina, italiye we rusiye komandiliri bilenmu musabiqige chüshidu.