24.06.2021

türkiye awazi radiyosi: «star géziti», türkiye muawin jumhur reisi fuat oktayning shimaliy qibris türk jumhuriyitide dawamlishiwatqan layihelerni türkiyening dawamliq qollaydighanliqini bildürüp: «öz aldigha ish qilalaydighan we ishlepchiqiridighan shimaliy qibrisni birlikte qurup chiqishqa mejburmiz» dégenlikini xewer qildi.

«hörriyet géziti», türkiye dölet mudapie ministiri hulusi akarning tünügün (2021-yili 23-iyun) afghanistan toghrisida bayanat élan qilip, amérika bilen kabul ayrodurumi mesilisi üstide körüshidighanliqlirini bildürgenlikini xewer qildi.

xewerde, hulusi akarning: «afghanistanda mwjutluqimiz bar, hazirning özide esker ewetish mesilisi yoq. meqsitimiz afghanistanliq qérindashlirimizning bixeterlikige hesse qoshushtur» dep éytqanliqi eskertildi.

«weten géziti», türkiye sehiye ministiri fahrettin kojaning tünügün bilim kéngishi yighinidin kéyin, ete (2021-yili 25-iyun) din bashlap 18 yashqa kirgen hemme kishilerni wuxen wirusi(Kovid-19) waksinasi bilen emlesh ishlirining bashlinidighanliqini élan qilghanliqini xewer qildi.

xewerde, fahrettin kojaning hindistanda körülgen wuxen wirusi délta wariyantining, türkiyede 134 kishide bayqalghanliqini éytqanliqi eskertildi.

«sabah géziti», énérgiye we tebiiy bayliqlar ministiri fatih dönmezning türkiyening tebiiy gaz menbelirini xilmu xillashturushni, suyuqlandurulghan tebiiy gaz layiheliri bilen ashuruwatqanliqini éytqanliqini xewer qildi.

«xeber türk géziti», qatnash ministiri adil karaismailoghluning tünügün yerlik we milliy shekilde tereqqiy qildurulghan 5G  téxnikisi arqiliq awazliq körüshüshni emelge ashurghanliqini xewer qildi.

xewerde, ministir karaismailoghluning 5G gha xas bashqurush, mulazimet we yumtal mehsulatlirining tereqqiy qildurulushi musapiside muhim basquchlarni arqida qaldurghanliqlirini éytqanliqi qeyt qilindi.