17.05.2021

türkiye awazi radiyosi xewiri: «sabah» géziti: «erdoghanning pelestin we shimaliy qibris türk jumhuriyiti toghrisidiki bayanati» serlewhilik xewiride, jumhur reis rejep tayyip erdoghanning «sabah» gézitige bayanat bergenlikini yazdi.

gézitning xewiride körsitilishiche, «israiliye dégen térror döliti tökken bu qangha qarita zuwan chiqarmighanlar shuni bilip qélishsunki, künlerning biride bu musape ularning béshighimu kélidu» dégen erdoghan, sözini dawamlashturup: «qibris türk xelqining heq – hoquqinimu adaqqiche qoghdaymiz, emma, shunimu qoshup qoyayki, özimizdin bashqa héchkimge ishenmeymiz» dégenlerni qeyt qilghan.

«weten» géziti:  «birleshken döletler teshkilati (b d t) israiliyening jinayetlirini derhal küntertipige kirgüzüshi kérek» serlewhilik xewiride, türkiye büyük millet mejlisi (parlaménti) bashliqi mustapa shentopning, israiliyening israiliye bilen pelestinge qilghan <toqunushlargha xatime bérish> toghrisidiki chaqiriqlirining kupaye qilmaydighanliqini bildürüp: «b d t israiliyening puqralar qetliamlirini, dölet térrorini we sadir qilghan insanliq jinayetlirini derhal küntertipige kirgüzüshi kérek» dégenlikini oqurmenliri bilen ortaqlashti.

«xabertürk» géziti: «israiliyening hujumliri aldida süküt qilip turushni qobul qilghili bolmaydu» serlewhilik xewiride, türkiyening b d t da turushluq daimiy wekili feridun sinirlioghluning, b d t xewpsizlik kéngishining israiliyening hujumlirida aldida sükütte turushini <qobul qilghili bolmaydighanliqi> ni bildürüp: «pelestinlikler üchün xelqaraliq qoghdash méxanizmi ornitilishi kérek» dégen qarashni otturigha qoyghanliqini yazdi.

«yéngi shepeq» géziti: «pelestin üchün liwiye modéli» serlewhilik xewiride, mayur admiral jihat yayjining, türkiyening liwiye bilen tüzgendek pelestin bilenmu déngiz hoquqi kélishimi tüzüsh teklipini otturigha qoyghanliqini yazdi.

gézitning xewiride körsitilishiche, türkiyening déngiz arqiliq pelestin bilen qoshna bolalaydighanliqini bildürgen mayur admiral jihat yayji: «bizning shimaliy qibris türk jumhuriyiti bilen 2011 – yili imzalighan déngiz tewelikini ayrish kélishimi buning bir misali. bu kélishim shimaliy qibris türk jumhuriyiti b d t ezasi bolmasliqigha qarimay küchke ige. oxshashla, pelestin  bilenmu mushundaq bir kélishimni imzalashqa bolidu» dégen.

«star» géziti: «amérikaning israiliyege qilghan yardimi adimiylik emes» serlewhilik xewiride, israiliyening ghezzediki pelestinliklerge qarshi hujumliri dawamlishiwatqan bir peytte, amérika démokratlar partiyesi kéngesh palata ezasi bérniy sandérsning, israiliyeni her yili texminen 4 milyard dollar herbiy yardem bilen teminlep kéliwatqan amérika qoshma shtatliri hökümitige naraziliq bildürüp: «amérikaning yardimini kishilik hoquqni depsende qilish üchün ishlitish qanunsizdur. biz choqum jiddiy urush toxtitish chaqiriqi élan qilishimiz kérek» dégenlikini oqurmenliri bilen ortaqlashti.