14.05.2021

türkiye awazi radiyosi: «sabah géziti», türkiye jumhur reisi rejep tayyip erdoghanning malayshiyaning sabiq bash ministiri maxatir muhemmed, afghanistan pirézidénti eshref ghéni, qirghizistan pirézidénti sadir japparow we iraq bash ministiri mustafa kazimi bilen téléfonda körüshüp, isirailiyening pelestin hujumlirini muzakire qilghanliqini xewer qildi.

«yéngi shepeq géziti», türkiye dölet mudapie ministiri hulusi akarning: «qoshnimiz girétsiye ighwagerchiliktin, tehdit sélishlardin waz kéchishi kérek. türkiyeni ‹kéngeymichi› dégenler, 1821-yildin 2020-yilghiche bolghan xeritige qarisun, kim kéngeymichi iken» dégenlikini xewer qildi.

«star géziti», muzéyigha aylandurulup aridin 87 yil ötkendin kéyin ibadetke échiwétilgen ayasofya jameside, tunji qétimliq roza héyt namizining oqulghanliqini xewer qildi.

«hörriyet géziti», 23-aprél (2021) «spéys éks» (SpaceX) ning rakétasi bilen xelqaraliq alem ponkitigha ewetilgen firansiyelik astronom tomas péskiwétning (Thomas Pesquet), mekkening alemdiki kéchilik menziresi tartilghan we kebe éniq körünidighan resimni hembehirlep, roza héytni tebrikligenlikini xewer qildi.

«weten géziti», yawropa ayropilan seperliri bixeterlik teshkilati 11-may (2021) doklat élan qilip, türkiye hawa yolliri shirkitining 448 ayropilan sepiri bilen yawropadiki reqiplirini arqida qaldurghanliqini uqturghanliqini xewer qildi.