11.05.2021

türkiye awazi radiyosi: «hörriyet» géziti: «jumhur reis erdoghan pelestin toghrisida diplomatik uchrishishlarni (ötküzdi)» serlewhilik xewiride, israiliyening pelestinde sadir qilghan insan qélipidin chiqqan jinayiti dunyaning asasliq qiziq nuqtilirining birige aylanghan bolsimu, her qaysi döletlerning eyiblesh bayanatlirini élan qilishtin halqip birer qedem tashliyalmighanliqini؛ mushundaq muhim bir peytte jumhur reis erdoghanning quddus we ghezzediki qetliamni toxtitish üchün heriketke ötüp, iyordaniye padishahi ikkinchi abdullah bilen, arqidinla kuweyt emiri sheyx newwaf elehmed essabah bilen téléfonlashqanliqini yazdi.

«sabah» géziti: «erdoghan xelqara jemiyetni seperwer qildi» serlewhilik xewiride, (türkiye jumhuriyiti) jumhur reislik mehkimisi uchur – alaqe ishliri idarisi bashliqi fahrettin altunning, jumhur reis erdoghanning birleshken döletler teshkilati (b d t) ni öz ichige alghan xelqaradiki barliq organlar we döletlerning diqqet – nezirini israiliyening dölet térrorluqigha burashqa muweppeq bolghanliqini eskertken halda otturigha qoyghan: «dunyaning bu zulum toghrisida <üch maymun> oyunini oynishini buningdinmu artuq tamasha qilip turalmaymiz. pelestinning qedemmuqedem ishghal qilinishigha yol qoymaymiz» dégen sözlirige orun berdi.

«xabertürk» géziti: «besh partiye israiliyeni ortaq eyiblidi» serlewhilik xewiride, adalet we tereqqiyat partiyesi, jumhuriyet xelq partiyesi, xelqlerning démokratiyesi partiyesi, milliyetchi heriket partiyesi we iyi (yaxshi) partiyesi qatarliq partiyelerning türkiye büyük millet mejlisi (parlaménti)diki guruppiliri birleshme bayanat élan qilip, israiliyening mesjidi eqsagha qilghan hujumini eyibligenlikini we xelqara jemiyetning waqit zaye qilmastin israiliyening xelqara qanungha xilap qilmishlirigha qarshi ünümlük heriket qollinishi üchün pütkül dunyagha chaqiriq élan qilghanliqi toghrisidiki uchurlarni oqurmenlirining diqqitige sundi.

«yéngi shepeq» géziti: «türkiye israiliyege qarshi bir qelbke aylandi» serlewhilik xewiride, türkiyening her qaysi wilayetliride minglarche kishining türkiye we pelestin bayraqlirini lepildetken halda, israiliye saqchilirining mesjidi eqsada pelestinliklerge qilghan hujumlirigha qarshi aptomobilliq namayishlarni ötküzügenlikini we dualarni qilish arqiliq pelestinni qollap – quwwetligenlikini yazdi.

«star» géziti: «türkiye üchün liwiyede nahayiti yaxshi pursetler bar» serlewhilik xewiride, türkiyening trablusta turushluq bash elchisi kenan yilmazning bayanat bérip, türkiye – liwiye ikki terep munasiwitining yaxshi yönilish boyiche ilgirileydighanliqini we liwiyede türk soda – sanaetchiler üchün nahayiti yaxshi pursetlerning barliqini bildürüp: «iqtisadiy sahede türk soda – sanaetchilirimiz, éksportchilar we meblegh salghuchilargha nahayiti yaxshi pursetler bar. ularning liwiyege kélishi üchün men teklipname ewetimen» dégenlikini oqurmenliri bilen ortaqlashti.