10.05.2021

türkiye awazi radiyosi: «sabah géziti», türkiye jumhur reisi rejep tayyip erdoghanning tünügün (2021-yili 9-may) «yawropa küni» munasiwiti bilen élan qilghan télégrammisida, yawropa ittipaqining yer shari xaraktérlik küchlük aktiyor bolushining aldidiki eng chong tosalghuning istratégiyelik sewr we ghaye kemchilliki ikenlikini eskertip: «dölitimizning hessisi we qollishi bolmastin, ittipaqning mejutluqini küchlük shekilde dawamlashturalmaydighanliqi ashkara» dégenlikini xewer qildi.

«star géziti», türkiye muawin tashqi ishlar ministiri we yawropa ishlirigha mesul bash elchi faruq qaymaqchining «9-may yawropa küni» munasiwiti bilen élan qilghan télégrammisida, türkiye bilen yawropaning ötmüshining ortaq ikenlikini xatiriletken halda, tereplerning kélechikinimu birlikte bina qilishi kéreklikini tekitligenlikini xewer qildi.

xewerde, faruq qaymaqchining, «yawropa ittipaqining türkiye bilen téximu küchlük bolidighanliqigha we yer shari xaraktérlik aktiyor bolalaydighanliqigha ishinimiz» dégenliki qeyt qilindi.

«weten géziti», kéreksiz suyuq bor maddiliridin ishlepchiqirilghan yerlik litiyning, türkiyening eng chong batariye ishlepchiqiridighan herbiy batariye sanaiti we soda shirkitining sinaqliridin ghelbilik ötkenlikini xewer qildi.

xewerde, énérgiye we tebiiy bayliqlar ministiri fatih dönmezning twittérda bayanat élan qilip: «türkiyening yerlik litiysi 100 nomur bilen imtihandin ötti. türkiyening yuqiri téxnikiliq mehsulatliri yerlik litiy bilen téximu küch tapidu» dégenliki bildürüldi.

«hörriyet géziti», türkiye hawa yolliri shirkiti 6-may (2021) diki 504 ayropilan sepiri bilen yawropadiki birinchilik ornini saqlap qalghanliqini xewer qildi.

«xeber türk géziti», türkiyede mushu yil (2021) ning aldinqi töt éyida ishlepchiqirilghan aptomobil sanining ötken yil (2020) ning oxshash mezgilidikige sélishturulghanda %28 éship 415 ming 187 danige chiqqanliqini xewer qildi.