06.05.2021

«‹sabah› géziti», «erdoghan: <girétsiye küshkürtküchi herikitini dawamlashturiwatidu> dédi» serlewhilik xewiride, munu uchurlargha orun ajratti:

jumhur reis rejep tayyip erdoghan gérmaniye bash ministiri angéla mérkél bilen sinliq körüshti. erdoghanning mérkél bilen ötküzgen söhbitide, ege déngizida köchmenlerge qilinghan zulum we girétsiyening türkiyeni nishan qilghan ighwagerchilik heriketlirini dawamlashturuwatqanliqi bildürüldi.

«‹xewer türk› géziti», «liwiye türkiye bilen tüzgen kélishimige sadiq» serlewhilik xewiride, munu uchurlargha orun ajratti:

liwiye bash ministiri abdulhemid dibeybe dölitining türkiye bilen imzalanghan «déngiz tewelikining chégralandurilishigha munasiwetlik kélishim xitabnamisi» toghrisida girétsiye bilen pikir oxshimasliqi barliqini éytti. kélishimge sadiq bolidighanliqini tekitligen dibeybe: «biz liwiyeliklerning menpeeti üchün xizmet qilidighan bu kélishimdin ayrilmaymiz» dédi.

«‹hörriyet› géziti», «shimaliy qibris türk jumhuriyiti pirézidénti ersin tatar puqralirigha birlik we  barawerlikni tekitlidi» serlewhilik xewiride, munu uchurlargha orun ajratti:

shimaliy qibris türk jumhuriyiti pirézidénti ersin tatar qibrista igilik hoquqi barawerlikini asas qilghan tekliplerning zor tesir peyda qilghanliqini bildürüp: «rim terep hakimiyiitining shimaliy qibris türk jumhuriyitige, xelqige we manga qarshi chong heriket bashlighanliqini körmektimiz. méning puqralirimdin kütidighinim, her xil ighwagerchilik we küshkürtüsh xaraktérliq  xewerlerge qarshi hoshyarliqni saqlap, segek turishi, birlik we  barawerlikimizni qoghdishidur. qilche shübhem yoqki, téximu parlaq kelgüsige birlikte yétip barimiz» dédi.

«‹star› géziti,  « yawropa ittipaqi yighinigha türkiye tamgha urdi» serlewhilik xewiride, munu uchurlargha orun ajratti:

yawropa ittipaqi komitétining kéngiyishke mesul ezasi oliwér warxélyi yawropa ittipaqi teripidin albaniyege yollanghan waksinilarni paytext tiranda tapshurush üchün ayrodorumda ötküzülgen murasimida bash ministir edi rama bilen birleshme axbarat élan qilish yighini chaqirdi. yighin jeryanida türkiye hawa yolliri shirkitining yoluchilar ayropilani uchush yolida ilgirileshke bashlidi. ikki rehber türkiye hawa yolliri shirkitinining ismini tekrarlap külümsireshke bashlidi. téléwiziye qanallirida biwasite tarqitilghan bu körünüshler qisqa waqit ichide ijtimaiy taratqularda köp qétim hembehirlendi we «balqan rayonigha qaritilghan türkiye tashqi siyasitini buningdinmu yaxshi körsitip bergili bolmayti» dégendek inkaslarni yazdi.

«‹weten› géziti», «firansiyediki milli putbolchimiz burak yilmazgha zor sherep» serlewhilik xewiride, munu uchurlargha orun ajratti:

firansiye 1-putbol birleshmisi komandisi lille komandisida top tepken milliy putbolchisimiz burak yilmaz komandida 4-ayning  eng yaxshi putbolchisi bolup tallandi. 35 yashliq hujumchi putbolchi 4-ayda oynighan 4 meydan musabiqide 3 top kirgüzgen idi. burak yilmaz lillede yene 12-ayning eng yaxshi putbolchisi bolupmu saylanghan idi. firansiye 1-putbol birleshmiside bu peslide ötküzülgen 25 musabiqida jemiy 13 top kirgüzgen burak yilmaz komandining eng köp top kirgüzgen putbolchisi salahiyitini qoghdap kelmekte.