11.05.2021

türkiye awazi radiyosi: «yéngi shepeq géziti», adalet we tereqqiyat partiyesi (AK Parti) bayanatchisi ömer chelikning jenubiy qibris rum hakimiyiti rehbiri nikos anastasiyadisning türkiyeni nishan qilghan bayanatliri üstide toxtilip: «türkiye jumhuriyitige we xelqimizge qilghan hörmetsizlikini oxshash halda özige qayturup bérimiz» dégenlikini xewer qildi.

xewerde, ömer chelikning tünügün (2021-yili3-may) élan qilghan bayanatida, «rum hakimiyitining yawropa ittipaqini oyunchuqi qiliwalghanliqi yawropa ittipaqi teripidin qobul qilinghan bir mesile bolsa, bu ulargha xeyrilik bolsun» dégenliki bildürüldi.

«hörriyet géziti», shimaliy qibris türk jumhuriyiti jumhur reisi ersin tatarning 27- apréldin29-aprélghiche jenwede ötküzülgen b d t we besh döletning gheyriy resmiy yighinida otturigha qoyghan «barawer igilik hoquqluq ikki döletning hemkarliqigha tayanghan hel qilish charisi» gha, «tekebburluq» dep baha bergen qibris rum hakimiyitining rehbiri nikos anastasiyadisning «eynekke qarap tekebburning kim ikenlikini körüshini» chaqiriq qilghanliqini xewer qildi.

«weten géziti», aptomobil sanaitining aprél (2021) éyida 2 milyard 465 milyon 647 ming dollarliq éksporti bilen, eng köp éksport qilghan sahe bolup qalghanliqini xewer qildi.

xewerde, eng köp éksport qilinghan üch dölet ichide, 1 milyard 654 milyon dollarliq éksport bilen gérmaniyege qilinghan éksportning birinchi orunda, 1 milyard 182 milyon dollar bilen amérikagha qilinghan éksportning ikkinchi orunda we 1 milyard 33 milyon dollar bilen engliyege qilinghan éksportning üchinchi orunda turidighanliqi bildürüldi.

«star géziti», firansiyelik komidiye artisi diyudon mbala (Dieudonne M'bala) ning türkiye jumhur reisi rejep tayyip erdoghangha mektup ewetip, siyasiy panahliq telep qilghanliqini xewer qildi.

xewerde, diyudon mbalaning mektupta isiraliyening pelestin zéminlirini mustemlike qilghanliqini eyibligendin kéyin 20 yil sistémiliq halda töhmet, qara chaplash we chetke qéqilishqa uchrighanliqini tilgha alghanliqi qeyt qilindi.