08.04.2021

«‹yéngi shepeq› géziti», «ukraina prézidénti zélénskiy türkiyege kélidu» serlewhilik xewiride, munu uchurlargha orun ajratti:

ukraina-rosiye chégrasida jiddiylik dawamlishiwatqan bir peytte,  ukraina pirézidénti wolodimir zélénsky 10-aprélda türkiyege kélidighan boldi. yuqiri derijilik istratégiyilik hemkarliq kéngishi dairiside élip bérilidighan ziyarette, ukraina rehbiri jumhur reis rejep tayyip erdoghan bilen körüshidu.

«‹höriyet› géziti»,  «xezine we maliye ministiri elwan G-20 ministirlar yighinigha qatnashti» serlewhilik xewiride, munu uchurlargha orun ajratti:

xezine we maliye ministiri lutfi elwan G-20 döletliri guruhi ministirlar yighinigha qatnashqanliqini bildürüp, «tereqqiy qiliwatqan döletlerning yer shari xaraktérliq janlinishtiki tesiri üstide toxtalduq, töwen kirimlik ​​döletlerni qollash toghrisida konkrét qararlar maqulliduq» dédi.

«‹star› géziti», «gérmaniyening <firankfortér algéméyn zéyitung géziti>, türkiyening .aptomobili, tésla, <Volkswagen> we bashqa reqiplirige doél élan qilidu, dep yazdi» serlewhilik xewiride, munu uchurlargha orun ajratti:

gérmaniyening kündilik gézitliridin <firankfortér algéméyn zéyitung géziti> ning xewiride mundaq déyildi: türkiyening aptomobil teshebbusi  guruppisi (TOGG)  teripidin éshlep chiqirilish aldida turghan tokluq aptomobil bir qétim tok qachilash bilen 500 kilomitirdin artuq yol yürüshni we eqliy iqtidargha ige bolushni kapaletke ige qilip, tésla, <Volkswagen> we bashqa barliq reqiplirige doél élan qilmaqta.

«‹weten› géziti»,  «ministir qaraismailoghlu élan qildi: mayning birinchi heptisi ..» serlewhilik xewiride, munu uchurlargha orun ajratti:

qatnash we ul eslihe ministiri adil qaraismailoghlu: «5-ayning birinchi heptisi türksat 5A suniy hemrahimiz 31 gradus sherq orbitisigha yétip béridu, türksat 5B alaqe süniy hemrahimiznimu mushu yilning tötinchi pesilde alem boshluqigha qoyup bérimiz» dédi.

«‹sabah› géziti»,   «bu yilning aldinqi üch éyida 18 milyon yoluchigha mulazimet qilindi» serlewhilik xewiride, munu uchurlargha orun ajratti:

türkiyede kowid-19 yuqumigha qarshi tedbiler élinghan ayrodorumlarda bu yilning aldinqi üch éyida 18 milyongha yéqin yoluchigha mulazimet qilindi.  yuqiri süretlik ötkelni boylap jemiy 238 ming 448 ayropilan qatnishi ishqa ashti.