02.04.2021

türkiye awazi radiyosi: «star» géziti: «türkiye buning küchlük qehrimani» serlewhilik xewiride, dunya sehiye teshkilati bash diréktori tédros adanom gébréyusning türkiyeni medhiyelep, uning 2021 - yilining xelqara sehiye xizmetchiliri yili bolushining «küchlük qehrimani» bolghanliqini otturigha qoyghanliqini yazdi.

gézitning xewiride körsitilishiche, gébréyus sehiye ministiri fahrettin kojamu teklip qilinghan yighinda söz qilip, türkiyening yuqumning bu qiyin mezgilide saqliqni saqlash xadimlirigha waksina emligenlikidin xushal bolghanliqini tilgha alghan.

dunya sehiye teshkilati türkiyening teklipige binaen 2021 - yilini «sehiye xizmetchiliri yili» dep élan qilghanidi.

«hörriyet» géziti: «ikki dölet otturisida yéngi dewr» serlewhilik xewiride, türkiye bilen ezerbeyjan otturisda imzalanghan kimlik bilen sayahet qilish kélishimining tünügündin bashlap küchke ige bolghanliqini, tashqi ishlar ministiri mewlut chawushoghlu bu heqte bayanat bérip: «janijan ezerbeyjanni peqet kimlik bilenla sayahet qilish mumkin bolidu, puqralirimiz we ezerbeyjanliq qérindashlirimizgha xeyrilik bolsun» dégenlikini yazdi.

«yéngi shepeq» géziti: «martta tarixtiki eng yuqiri ayliq éksport miqdari yaritildi» serlewhilik xewiride, (türkiye jumhuriyiti) soda ministiri ruhsar pekjanning: «martta éksport 2020 - yilining oxshash éyigha sélishturghanda %42.2 éship, 18 milyard 985 milyon dollargha yetti. tarixtiki eng yuqiri ayliq éksport miqdari yaritildi» dégen sözlirini oqurmenliri bilen ortaqlashti.

«xabertürk» géziti: «TOGG qa dunyagha dangliq layihelesh mahiri» serlewhilik xewiride, türkiye aptomobil guruhi (TOGG) ning, wolkiswagén we mérsidis - bénizning sabiq bash layiheligüchisi murat günakning layihelesh rehbiri süpitide öz etritige qétilghanliqini élan qilghanliqi toghrisidiki uchurlarni oqurmenlirining diqqitige sundi.

«sabah» géziti: «türkiye hawa yolliri shirkiti — THY  künige ottura hésab bilen 755 nöwetchi ayropilan bilen yawropadiki rehberlik ornini saqlap qalmaqta» serlewhilik xewiride, yawropa awiyatsiye yol bashlash bixeterlik teshkilatining 31 - marttiki awiyatsiye qatnishi doklatida, türkiye hawa yolliri shirkiti (THY) ning künige ottura hésab bilen 755 qétim qatnash arqiliq yawropadiki reqibliridin éship ketkenlikining qeyt qilinghanliqini yazdi.