16.02.2021

bügünki türkiye metbuatliridin tallap teyyarlighan xewerlirimiz töwendikiche:

1584489
16.02.2021

türkiye awazi radiyosi: «hörriyet géziti», türkiye jumhur reisi rejep tayyip erdoghanning tünügün (2021-yili 15-féwral) bayanat élan qilip, bölgünchi térrorluq teshkilati p k k ning iraqning shimalidiki gara rayonida 13 türkiye puqrasini shéhit qilghanliqigha awaz chiqarmighan amérikagha naraziliq bildürgenlikini xewer qildi.

xewerde, rejep tayyip erdoghanning, «qéni siler p k k ni, y p g ni qollimayttinglar, del eksiche qollawatisler we arqisida turuwatisler» dégenliki bildürüldi.

«star géziti», türkiye tashqi ishlar ministirliqi amérikaning térrorluq teshkilati p k k ning qetliamigha munasiwetlik bayanatigha qarita bildürülgen naraziliqning «eng qattiq shekilde» tilgha élinghanliqini bildürgenlikini xewer qildi.

ministirliqning bayanatida, «amérika bash elchisi dawid setérfild ministirliqimizgha chaqirildi we naraziliqimiz eng qattiq shekilde yetküzüldi» déyilgenliki qeyt qilindi.

amérika tashqi ishlar ministirliqining, iraqning gara rayonida bölgünchi térrorluq teshkilati p k k teripidin 13 türkiye puqrasining shéhit qilinghanliqi toghrisidiki bayanatida, «türkye puqralirining térrorluq teshkilati p k k ning qolida öltürülgenliki xewerliri toghra bolsa, bu heriketni qattiq eyibleymiz» déyilgen idi.

«sabah géziti», türkiye tashqi ishlar ministiri mewlüt chawushoghluning tünügün (2021-yili 15-féwral) amérika tashqi ishlar ministiri antony blinkén bilen téléfonda körüshkenlikini xewer qildi.

xewerde, ikki terep munasiwetliri we térrorluqqa qarshi turush mesililirining muzakire qilinghanliqi؛ amérika tashqi ishlar ministiri blinkénning shéhit qilinghan 13 türkiye puqrasi üchün teziyesini yetküzüp, buninggha térrorluq teshkilati p k k ning jawabkar ikenlikini éytqanliqi qeyt qilindi.

«weten géziti», tutush buyruqi chiqirilghan fethullahchi térrorluq teshkilati ezaliridin gürbüz sewilay bilen tamer awjining milliy istixbarat idarisi teripidin özbékstandin türkiyege tutup kélingenlikini xewer qildi.

xewerde, gürbüz sewilayning iraq bilen süriyede bölgünchi térrorluq teshkilati p k k|k j k-p y d|y p g-s dg ni qoral bilen teminlesh herikitide bolghanliqi we teshkilatning namdiki mesulliri bilen körüshkenlikining éniqlanghanliqi qeyt qilindi.

«xeber türk géziti», mesut özilning fenerbahche komandisigha yötkilishidin kéyin ötküzülgen imza murasimida, mexsus teyyarlanghan we mesut özil imzaligha üch formining jemiy 36 ming 50 yawrogha sétilghanliqini xewer qildi.


خەتكۈچ: #hörriyet , #star

مۇناسىۋەتلىك خەۋەرلەر