08.01.2021

türkiye awazi radiyosi: «star» géziti: «albaniye bash ministiri ramaning ASELSAN ziyariti» serlewhilik xewiride, jumhur reis yardemchisi fuat oqtayning tünügün albaniye bash ministiri édi rama bilen birlikte herbiy éléktiron sanaiti shirkiti — ASELSAN ni ékskursiye qilghanliqini yazdi.

gézitning xewiride körsitilishiche, yéqin kelgüside albaniyening sheher we yollirida herbiy éléktiron sanaiti shirkiti tetqiq qilip yasap chiqqan téxnikilarning ishlitilishini ümid qilidighanliqini bildürgen rama, türk téxnologiyening yuqiri séhriy küchke ige ikenlikini éytqan.

«sabah» géziti: «ministir soylu: girétsiye bigunah kishilerni ölümge ittirmekte, yawropa tamasha qilmaqta (dédi)» serlewhilik xewiride, (türkiye jumhuriyiti) ichki ishlar ministiri süleyman soyluning girétsiyening qanunsiz köchmenlerni ölümge ittiriwatqanliqini, yawropaning tamasha qilip turuwatqanliqini éytqanliqini yazdi.

xewerde, soyluning tünügün özining tiwittérdiki adrésida resimlerni hembehrilep, girétsiyening tertipsiz köchmenlerni qutquzushning ornigha ularning hayatini xeterge ittirip, türkiye déngiz tewelikige qaytishqa qistawatqanliqi, qiyin ehwalda qalghan köchmenlerning türkiye déngiz qirghiqi muhapizetchiler etriti teripidin qutquzuwélinghanliqi we qaidisiz köchmenlerning söz - ibariliri orun alghan körünüshlerni ortaqlashqanliqi qeyt qilindi.

«xabertürk» géziti: «ministir dönmez: altun ishlepchiqirishimiz ötken yili jumhuriyet tarixidiki rékortni buzdi (dédi)» serlewhilik xewiride, (türkiye jumhuriyiti) énérgiye we tebiiy bayliqlar ministiri fatih dönmezning tünügün bayanat élan qilip: türkiyening altun ishlepchiqirishining wuxen wirusi (kowid – 19) yuqumigha qarimay yil axirida jumhuriyet tarixidiki rékortni buzup, 42 tonnigha yetkenlikini eskertkenlikini we buning türkiye iqtisadigha 2 milyard 400 milyon dollar töhpe qoshqanliqini éytqanliqini oqurmenliri bilen ortaqlashti.

«yéngi shepeq» géziti: «texminen 82 milyon yoluchining tallishi ayropilan boldi» serlewhilik xewiride, (türkiye) qatnash we ul eslihe ministirliqi dölet ayrodurumlirini bashqurush ornining sanliq melumatlirigha qarighanda, türkiye miqyasidiki ayrodurumlarning 2020- yili jemiy 81 milyon 657 ming 70 yoluchigha mulazimet qilghanliqini yazdi.

serlewhilik xewiride: «türk doxturgha méditsina dunyasi yuqiri baha berdi» serlewhilik xewiride, marmara uniwérsitéti tébbiy penler fakultéti balilar sezgürlük immunitét piroféssori doktor exmet oghuzxan özenning baliliq dewrining ejellik aqiwetlerni keltürüp chiqirish éhtimali bolghan késelliki  CHAPLE séndromining toluq dawalash usulini bayqighanliqini, özen we tetqiqat guruppisining mezkur dawalash heqqidiki maqalisining méditsina dunyaning küchlük qiziqish qozghighanliqini yazdi.